ايه رايكم يا شباب مش دي برده بلدكم

[ندعوك للتسجيل في المنتدى أو التعريف بنفسك لمعاينة هذه الصورة]

انا بقول ان مش هيجى احسن من حسنى مبارك وعلى ضمانتى بجد والله الراجل ده سياسته ملهاش حدود والشعب المصرى مش عارف هو بيعمل ايه
شاطرين بس يهتفوا (بالروح بالدم نفديكى يا بلبله)

لا نملك الا ان نقول
علينا ان نتدبر فى الامر مليا
والا ننساق وراء الاقاويل وان نفهم
لماذا هذا الوقت وهل هم ادركوا سوء الاحوال
الان فقط
لماذا لماذا لماذا
هل احد من مجيب
[ندعوك للتسجيل في المنتدى أو التعريف بنفسك لمعاينة هذا الرابط]

هو ده رايك انا بقي شايفه انه لما نعيش في فساد عشان معندناش حاكم افضل بكتير لما نعيش في فساد وفي حكام بيحكمونا

اهو يبقي علي الاقل احنا سبب وكستنا احسن ميبقي غيرنا هو السبب

وبعدين متظاهرو هو كان في حد عبر واهو قاعدلكم

اظن حيبقي حال البلد افضل بقي

هههههههههههههههههههه

والله كل واحد بيضحك من نحيته علي نفسه

ومين اللي بيوجه هو في حد عبيط دلوقتي الناس بقت فاهمه كل حاجه الناس اللي اتظاهرت ونزلت الشوارع اظن ان الناس دي هما الشعب المصري البسيط

اللي طهق وقرف وخلاص فنزل يتظاهر

بس الظاهر ان قيمتنا كانت كبيره واتحققلنا كل شئ طلبناه
دول حتي مكلفوش خاطرهم ببيان يهدو بيه الشعب

بالكدب حتي

وبعدين منبقي من غير رايس دوله ونخسر انشالله ميت مليار بس بعديها نبقي عايشين مرتاحين

وبعدين منختار الشرفاء اللي عايزينهم حتي

لو نهبونا نبقي احنا اللي اخترناهم مش مفروضين علينا

وكمان بيسرقونا

M@فراشة الحب@M كتب:: هو ده رايك انا بقي شايفه انه لما نعيش في فساد عشان معندناش حاكم افضل بكتير لما نعيش في فساد وفي حكام بيحكمونا

اهو يبقي علي الاقل احنا سبب وكستنا احسن ميبقي غيرنا هو السبب

والله ده رايك وانا با احترمه
ولكن على رائ المثل
اللى مالوش كبير بيشتريلوا كبير
واكبر دليل على كلامى هو
كلمة الرئيس عقب احداث القديسين
فلولا هذه الكلمة ومدى تاثيرها على المجتمع المصرى
لانهارة الكتلة المصرية " مسلم ومسحى " ب

M@فراشة الحب@M كتب:: وبعدين متظاهرو هو كان في حد عبر واهو قاعدلكم

اظن حيبقي حال البلد افضل بقي

هههههههههههههههههههه

والله كل واحد بيضحك من نحيته علي نفسه

طيب لما احنا عارفين كدا يبقى ايه الفائدة
كل ما استفاده الشعب هى حالة من الزعر
تخيلوا قلب ام ابنها الان
مجند فى قوات الامن المركزى
فهنا يتعامل المتظاهرون مع هذا المجند
والذى لا يملك سوى ان يتلقى الاوامر
على انه العدو الحقيقى
سبحان الله

M@فراشة الحب@M كتب:: ومين اللي بيوجه هو في حد عبيط دلوقتي الناس بقت فاهمه
كل حاجه الناس اللي اتظاهرت ونزلت الشوارع اظن ان الناس دي هما الشعب
المصري البسيط

اللي طهق وقرف وخلاص فنزل يتظاهر

انا هنا حختلف مع الكلام ده ليه لان ببساطة
اعلى احصائية لعدد المتاظاهرين على حسب قول قناة الجزيرة
ا30 الف متظاهر فى ميدان التحرير
ببساطة جدا 30 الف متظاهر
هم اعضاء لاربع جمعيات او حركات او تحت اى مسمى
هم حركة كفاية وجمعية التغير وحركة ضد الغلاء
الى الان من 5 الاف الى 10 الاف
وهذا لا يمنع ان هناك كثير من الافراد الذين لهم مطالبهم الخاصة

ثم ينضم اليهم جماعة الاخوان المسلمين
وهم جميعا لا يمثلوا الشعب المصرى

M@فراشة الحب@M كتب:: بس الظاهر ان قيمتنا كانت كبيره واتحققلنا كل شئ طلبناه
دول حتي مكلفوش خاطرهم ببيان يهدو بيه الشعب

بالكدب حتي

والله هو ده المتوقع من الحكومة
لانها بصريح العبارة وبالمصرى الفصيح
هى حكومة فاشلة سياسيا
ولكن تاكدوا انه لن ينصلح الامر حتى بزوال هذه الحكومة

M@فراشة الحب@M كتب:: وبعدين منبقي من غير رايس دوله ونخسر انشالله ميت مليار بس بعديها نبقي عايشين مرتاحين

وبعدين منختار الشرفاء اللي عايزينهم حتي

لو نهبونا نبقي احنا اللي اخترناهم مش مفروضين علينا

وكمان بيسرقونا

الحكاية مش حكاية خسارة 100 مليار الحكاية حكاية
خسارة وطن
خسارة دولةنعن نعلم جميعا ان هناك اناس يتربصون الى مصر ويتربصوا الى اى خلخلة فى النظام المصرى

اقتباس :: والله ده رايك وانا با احترمه
ولكن على رائ المثل
اللى مالوش كبير بيشتريلوا كبير
واكبر دليل على كلامى هو
كلمة الرئيس عقب احداث القديسين
فلولا هذه الكلمة ومدى تاثيرها على المجتمع المصرى
لانهارة الكتلة المصرية " مسلم ومسحى " ب

والله وانا كمان محترمه رايك
وبعدين هو فين الكبير الكبير كبر لدرجة ان معتش بيعرف ياخد قرار
وبعدين بعد موضوع الكنيسه اللي هو محدش عارف ايه اللي حصل لحد دلوقتي كلها قارات ويرجع يغالط فيها
وبعدين امته عاملنا المسيحين وحش مهم معانا في كل مكان وبنعاملهم عادي زينا زيهم وهما لولا شايفين كده مكانوش سكتو

اقتباس :: طيب لما احنا عارفين كدا يبقى ايه الفائدة
كل ما استفاده الشعب هى حالة من الزعر
تخيلوا قلب ام ابنها الان
مجند فى قوات الامن المركزى
فهنا يتعامل المتظاهرون مع هذا المجند
والذى لا يملك سوى ان يتلقى الاوامر
على انه العدو الحقيقى
سبحان الله

سبحان الله حتي حقنا لما نادينا بيه قالو كان ايه الفايده ماحنا ساكتين بقالنا كام سنه كان ايه اللي اتغير
حتي منعبرش عن رغباتنا ليه يعني نسكت ونقول مش ده الحل طيب ايه الحل

اقتباس :: انا هنا حختلف مع الكلام ده ليه لان ببساطة
اعلى احصائية لعدد المتاظاهرين على حسب قول قناة الجزيرة
ا30 الف متظاهر فى ميدان التحرير
ببساطة جدا 30 الف متظاهر
هم اعضاء لاربع جمعيات او حركات او تحت اى مسمى
هم حركة كفاية وجمعية التغير وحركة ضد الغلاء
الى الان من 5 الاف الى 10 الاف
وهذا لا يمنع ان هناك كثير من الافراد الذين لهم مطالبهم الخاصة

ثم ينضم اليهم جماعة الاخوان المسلمين
وهم جميعا لا يمثلوا الشعب المصرى

وهمه مش الجمعيات والاعضاء دول من الشعب
هما طلبو حاجه اي واحد فينا مش عايزها كلها مطالب كلنا بنتمناها

اقتباس :: والله هو ده المتوقع من الحكومة
لانها بصريح العبارة وبالمصرى الفصيح
هى حكومة فاشلة سياسيا
ولكن تاكدوا انه لن ينصلح الامر حتى بزوال هذه الحكومة

طيب بس تزول ونجرب حالنا حيبقي ازاي

وبعدين ايه اللي ماكد يعني هو احنا جربنا وبدلنا الحكومه

احنا ملينا من عدم التجدد والاستمراريه المطلقه الابديه وشكلها كمان حتبقي حكم بالوراثه

اقتباس :: الحكاية مش حكاية خسارة 100 مليار الحكاية حكاية
خسارة وطن
خسارة دولةنعن نعلم جميعا ان هناك اناس يتربصون الى مصر ويتربصوا الى اى خلخلة فى النظام المصرى

والاناس دول بقي من كتر ماحنا منضبطين
والحكومه عادله والامن في كصر قوي
واقتاصدنا كبير والمعيشه مرتفعه المستوي
مش قادرين يتدخلو في مصر احنا اصلا حاكمنا اللي متربصين لينا بطريقتهم احنا اصلا كده محتلين

يلا بقي ربنا يستر علينا

بسم الله الرحمن الرحيم

كما اني اكره الحكم الباطش الغير عادل

اني ايضا اكره الفوضي والتعدي والخراب والدمار

كما اني احلم بحياة راغدة ومعيشة يسيرة وجميلة

ومستوي اجتماعي واخلاقي وسياسي واقتصادي الخ

احلم بطمأنينة وهدوء وامن وامان

كما قلت من قبل

ماذا عن غد مظلم وامال تنهار

قلت ايضا

هب نسيم الامل فهفا بروحي للعنان

احلي حاجة فينا اننا بنحكم بمشاعرنا نهيج بالهوجاء العالية ونهدئ بالريح الساكنة

احنا لما بنشوف الوحش مبنشفش غيره ولما بنشوف الكويس برضو مبنشفش غيره

من غير شعارات عشان زهقنا منها

فكروا دقيقة واحدة بالعقل

فكرو في سياسة واقتصاد وامن واجتماع وتمرد وانحلال وتكتل واتحاد

انا شايف الوحش يا فراشة بس مش عاوزه يبقي اوحش

لو اتغير الوحش بالاوحش

نرجع نقول يروح الاوحش

زمن صلاح الدين مش هيرجع تاني

ووالله المدينة الفاضلة مش هتتحقق

ننزل علي الارض شويه

ونشوف هنعمل ايه

بس من غير شعاراااااااااااااااااااااااااااااات

ومن غير تخريب واهاناااااااااااااااااااااااااااات

جغرافى مميز **عدد المساهمات** : 99

اولا انا مش مع مبارك ولكن مين فى مصر قال انا هاكون رئيس مصر وعند القوة والثقة ليكون هو رئيس مصر حتى اللى بيرشحوا نفسهم لرئاسة معندهمش الثقة دى عشان يقنعوا الشعب
ثانيا لو انقلب نظام الحكم هتكون فوضى وكل المترابصين لمصر هيستغلوا الموقف ولو انتهينا من الفوضى مش هنعرف نختار الشرفاء لان مصر مش هتكون لينا
واللى بيحصل فى مصر دلوقتى فى ناس كتير كانت مخطط له وفاكرين ان مصر ممكن تكون زى تونس وعمر اللى بيحصل ده ما هيكون زى اللى حصل فى تونس

غريب اوى الشعب المصرى ده ....اللى بيقولوا انهم بيطالبوا بيه فى 30 سنه عاوزينه يتحقق فى 5 ايام...ربنا عز وجل خلق الكون فى 6 ايام...الذى يقول للشىء كن فيكون...اكيد فى كده حكمه...نصبر مش حنخسر اكتر من اللى بنخسره دلوقتى نشوف ...وهو كده كده حيختم كمان سته شهور ...انما اللى بيحصل دلوقتى ..اقل ما يقال ارهاب داخلى.ثنة تفكير انا ولا عاوز برادعى ولا اخوان ...عاوز شخص يقدر يحكم الشعب من غير تيار ولا حتى نظام تعبان...وهما دلوقتى ركبين اموجه...اى نعم الناس تعبت ...بس نصبر كمان 6 شهور ...يمكن حاجه تتغير ..والراجل اللى قطعتوا فروته ده...فى ثانيه اتمحى تاريخه باستيكه...والله حرام...عيبنا ان عواطف الشعب المصرى والكريزمه بتاعتها عاليه على عقله...نسينا دا عمل للشعب ده ايه ...دا رمز لدوله..مش عارف اقول ايه ...كفايه...وربنا يعدى اللى جى على خير

» انا هقول نعم ايه رايكم
» شباب زي الورد بس كلام يحرق القلب !!!!!‏
» قصة ثلاث شباب وثلاث بنات في الصحراء