GeoGraphy
أهلا بكم زوار منتدى GeoGraphy
ونرحب بكم ونتشرف أن
ندعوكم للتسجيل معنا

GeoGraphy

ø,¸¸,ø¤º°`°º¤ø,¸ GeoGraphy For All °º¤ø,¸¸,ø¤º°`°º¤ø
 
الرئيسيةالبوابةس .و .جبحـثالتسجيلدخول
أحب أبارك من كل قلبى

لكل طلاب الفرقة الرابعة اللى اسسوا هذا المنتدى

على تخرجهم القريب باذن الله تعالى

ويارب نفضل متجمعيين فى الخير ومتحابيين فى الله الى الابد
ونفتكر بعض على طول

وفى الاول وفى الاخر دا يبقى مكانا الاساسى
تمنياتى للجميع بالتوفيق والنجاح والسعادة فى حياتكم المقبلة
المواضيع الأخيرة
» رسم الدوائر المقسمه
السبت 23 نوفمبر 2013, 3:13 pm من طرف sweed

» تصميمات فوتوشوب
الإثنين 18 نوفمبر 2013, 9:31 pm من طرف مهندصلاح

» اقوى اسطوانة تجميعية لتعليم ICDL صوت وصورة
الجمعة 13 يوليو 2012, 4:34 pm من طرف Mamdouh Salah

» كلمات قصيرة لكنها رائعة ..
الخميس 07 يونيو 2012, 1:13 pm من طرف 7D

» تقارير د ماجد
الإثنين 05 ديسمبر 2011, 9:40 pm من طرف 7D

» ملخص بسيط عن انواع السياحة
الإثنين 10 أكتوبر 2011, 6:05 pm من طرف Golden koke

» كتاب ممتاز عن المحيطات والبحار
الإثنين 10 أكتوبر 2011, 6:03 pm من طرف Golden koke

» الموضوع الاول
الجمعة 07 أكتوبر 2011, 9:28 pm من طرف Golden koke

» معنى جزاك الله خير
الجمعة 07 أكتوبر 2011, 9:19 pm من طرف مى محمد

» مثلث حلايب
الجمعة 07 أكتوبر 2011, 8:33 am من طرف شروق المعايطة

» مجموعات الشعبة
الخميس 06 أكتوبر 2011, 10:04 pm من طرف صبرى زيد

» كيف تعرف ان زوجتك تحبك
الخميس 06 أكتوبر 2011, 12:43 am من طرف 7D

» موضوع رائع عن الثقه بالنفس
الأربعاء 05 أكتوبر 2011, 7:02 pm من طرف مى محمد

» أهل القلوب البريئة
الأربعاء 05 أكتوبر 2011, 6:54 pm من طرف مى محمد

»  حروف وحكم كونت اجمل العبارات
الأربعاء 05 أكتوبر 2011, 6:49 pm من طرف مى محمد

» خامات للفوتوشوب ضوئيه رائعه جديده
الإثنين 03 أكتوبر 2011, 1:49 pm من طرف 7D

» من اقوال الرسول الامين ((صور ))
السبت 01 أكتوبر 2011, 2:02 am من طرف مى محمد

» كتاب فى ال gis
السبت 01 أكتوبر 2011, 12:48 am من طرف 7D

» اتغير
الجمعة 23 سبتمبر 2011, 9:35 pm من طرف 7D

» افكارنا .... علشان بكرة
الخميس 22 سبتمبر 2011, 11:32 pm من طرف kato

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 34 بتاريخ الإثنين 20 ديسمبر 2010, 4:51 pm

شاطر | 
 

 نبيهه النبيهه وخالتى فكيها

اذهب الى الأسفل 
كاتب الموضوعرسالة
swallow
Special
Special
avatar

عدد المساهمات : 158
المزاج : زى الزفت و خليك ف حالك ي عم ملكش دعوه ب مزاجى

مُساهمةموضوع: نبيهه النبيهه وخالتى فكيها   الأربعاء 06 أبريل 2011, 10:26 pm

المكان: بير السلم


الأشخاص: نبيهه , وخالتي فكيهه




نبيهيه النبيهه: سالخير يا خالتي فكيهه



خالتي فكيهه: سا النور عليكي يا بت .. والله وكبرتي وبقيتي عروسة يا مقروضة


نبيهه: يوه بقى ياخالتي ما تكسفينيش

خالتي فكيهه: قال يعني بتكسفي قوي .. يابَااااااااي علي بنات اليومين دول..


نبيهه: ليه بس يا خاله ماهم زي الفل اهم



خالتي فكيهه: بلا فل بلا ياسمين.. قطيييييييييييييييعه



نبيهه: مالك ياخالتي مغلولة منهم كده ليه


فكيهه: ما ينفعش الكلام عـ السلم كده... خشي خشي يا بت



نبيهه: بس كده امي حتستعوقني.. اصل عريسي جاي



فكيهه: طب كويس.. خشي معايا وهيا نص ساعه وانا اودكك واعرفك تعاملي عريسك ازاي..


نبيهه: اه والله يا خالتي اصل انا خايبة قوي وعريسي واد انما ايه .. متقمع وبيلبس من بلاد بره
وبيتكلم فسرناوي وعنجليزي ..



فكيهه: فسنواري وجعنليزي ايه ويطلعوا مين دول يا بت؟




نبيهه: دول لغات يا خلتي زي اللي بيتكلم بيهم الخواجه اللي ساكن قصادنا



فكيهه: اااااااااااه ماشي يا بت تعالي بس وانا اجيبلك اللي يعلمك كل مغات الدنيا



نبيهه: مغات ايه يا خالتي هو آني نَفَسَه؟



وتخش نبيهه شقة خالتي فكيهه


المكان: شقة خالتي فكيهه



الاشخاص: فكيهه. نبيهه, فتكات



الخالة فكيهه بتنده عـ الشغالة


بت يا فتكات .. انتِ يا بت .. اعمليلنا كبايتين شاي بسرعه

فتكات: حاضر ياستي



فكيهه: صلي عـ اللي حيشفع فيكي



نبيهه: اللهم صلي على كامل النور


فكيهه: بصي يا نبيهه يا بنتي ... جوزك على ما تعوديه وابنك على ماتربيه



نبيهه: يعني ايه يا خالتي



فكيهه: استني اما اكمل كلامي ما تقاطعينيش



نبيهه: حاضر يا خالتي



فكيهه: فين الشاي يا فتكااااااات



فتكات: اهو يا ستي اهو..



فتكات تحط كباية شاي واحدة بس



فكيهه: تاخد كباية الشاي تشربها



وتطنش نبيهه: وبعد ما تخلص الكبايه خاااااااااالص



تزعققققققققققق



بقى دى شاي يا بت .. الله يسد نفسك...



فكيهه: مالك ما شربتيش الشاي ليه يا نبيهه


نبيهه مزبهله: هااااا.. طيب يا خالتي طيب



فكيهه: نخش في الجد بقى


نبيهه: اتفضلي يا خاله فكيهه


فكيهه: شوفي ياست العرايس.. أهم حاجة اول يوم ده يا اما يبقى يوم سعدك وهناكي .. يا اماااااا .. انتِ ادرى بقى!!



نبيهه: يعني ايه ياخالتي؟؟



فكيهه : يعني ايه ايه يا بت يا عبيطه انتِ؟؟



نبيهه: يوه يا خالتي ..


فكيهه: خلاص خلاص ما تعيطيش انا بهزر معاكي



شوفي يا بنتي..انا عايزاكي من اول يوم .. وفي اول ثاينه..تخشي المطبخ وتاكلي فحل بصل .. وشوية توم قد فصين تلاته اربع خمسه ...كده



نبيهه: توم وبصل .. ده كده ريحت بقي حتبقى وحشة



فكيهه: ايوووووة.. مش مهم يا بت مش مهم.. لو بيحبك يستحمل


نبيهه: وبعدين ياخالتي؟؟



فكيهه: اول ما تيجوا تناموا تشيلي البتاع اللي حيلطخولك بيه وشك .. وتدهني وشك واديكي بزيت خروع وتحطي على شعرك جاز..



نبيهه: يا خرابي يا خالتي.. ودي معقولة.. ده كده يسبني ويمشي



فكيهه: ولا يقدر بالعكس يابت.. ده كده يحبك اكثر .. اسمعي الكلام انت بس

نبيهه: تفتكري يا خالتي



فكيهه: طبعا يا بت دي وصفه متجربة علىاربعتااااااااااااااااشر عروسة قبل كده



نبيهه: ولسه معمرين مع بعض يا خاله


فكيهه : طبعا طبعا .. هو انا بلعب ده انا فكيييييييييهه


نبيهه: كملي يا خاله كملي ..


فكيهه: قولي انت يا نبيهه.. لو جوزك في يوم جه تعبان من الشغل حتعملي ايه


نبيهه: حستتقبله ببتسامه جميلة واعمله لقمه يتقوت بيها .. واحضرله حمام سخن.. زي ما امي بتعمل مع ابويا


فكيهه:: غلط كده غلط .. عبيطه زي امك ...



نبيهه : امال اعمل ايه طيب؟



فكيهه: اول مايخش من الباب .. ترقعي بالصوت ..الواد عايز و البت عايزة.. وامك عملت..



نبيهه: بس امه تعيشي انتِ ..


فكيهه: احسن برضه. حاكم الحموات دول سبب خراب البيوت


قوليلي يا بت.. عنده اخوات بنات


نبيهه: ايوه عنده 5 بنات



فكيهه: اياكي يا بت تخليهم يخشوا بيتك ولا تأخديهم عليكي .. اااااه


نبيهه: ازاي بس .. اطردهم من بيت اخوهم يعني؟؟


فكيهه: مش تطرديهم.. بس اول ما يخرجوا تنكدي عليه عيشته



شفت اختك عملت ايه.. ولا ابنها المفعوص كسر الفازة اللي بسفنتاشر جنيه

وكل مرة يجولك من ده


نبيهه: بس يا خاله ما يصحش كده دول اخواته برضه


فكيهه: جك خوووووو اما يخوتك يا بت ..


انت ِ عايزة تعيشي مع جوزك في تبات ونبات ولا لأ؟


نبيهه: عايزة يا خالتي


فكيهه : خلاص يبقى تسمعي الكلام وبلاش غلبة


نبيهه: حاضر يا خاله


فكيهه: بتقولي ايه حاضر؟؟؟ حسك عينك تقوليله الكلمه دي ابدااااااا


نبيهه: امال اقوله ايه؟؟


فكيهه: لو طلب منك كبايه شاي.. تقوليله ., يعني مش عارف تعملك كبايه شاي

نبيهه تبص لفكيهه باندهاش


نبيهه: هه ؟؟


فكيهه: مالك مبلمة .. اسمعي بس,.. واوعي يجي يلاقي الغدا جاهز



خليه يجيب اكل من بره ولو ما جابش روحي اتغدي انت عند امك



نبيهه: وهو يا خاله اسيبه من غير اكل



فكيهه: وايه يعني .. ان شالله عنه ماطفح


نبيهه: بس كده ممكن يزعل قوووووي ويشخط فيا كمان


فكيهه: وهو يستجري.. لو قالك كلمه تردي عليه بعشرة


نبيهه: بس كده ممكن ايده تتمد عليا


فكيهه: لو فكر .. شوفي لو فكر انه يمد ايده عليكي.. تقلعي اللي في رجلك وعلى قفاه عدل


نبيهه: يعني كده جوزي يحبني وما يسبنيش ابدا؟؟



فكيهه: بقلك اسمعي الكلام احسنلك .. كده حتعمري مع جوزك ويحبك ويقدلك صوابعه العشره شمع



نبيهه: اممممممممم .. وهو انت كنتِ بتعملي كده مع عم هنداوي يا خاله



فكيهه: اماااااااااال.. ده عمك هنداوي زي الخاتم في صباعي ولايقدر يتنيلي كلمه ابداااااااا


نبيهه: الباب بيخبط يا خاله.. ده يمكن عم هنداوي



الحاج هنداوي: احمممممم احمممممم .. يا فكيهه.. انتِ يا وليه ما بترديش ليه .. انطرشتي


فكيهه: نعمممممممممممممم .. يا سي هنداوي انا جاية اهوووووووووو


نبيهه مندهشة.. معقولة يا خالة اللي انتِ بتعمليه ده!!


فكيهه: بعمل ايه يعني .. دنا بعمله قيمه قدامك بس ..



نبيهه: طب يا خاله انا ماشية وحرجعلك بكره ان شاء الله


فكيهه : ماشي يا عروستنا

وتخرج نبيهه.. بس تقف تتصنت من الباب


هنداوي: بتعمل ايه عندك يا فكيهه ..


فكيهه: ايوة يا سي هنداوي حاضر


هنداوي: بقالي ساعه بندهلك وانتِ هاتك يا رغي قدام الباب


فكيهه: تأمرني بحاجة ياسي هنداوي


هنداوي: قومي فزي حضريلي لقمه أكلها


فكيهه: امرك يا سي هنداوي..



فكيهه تحضر الأكل لهنداوي


هنداوي: مال اكلك ماسخ كده ليه يا وليه .. جتك القرف


فكيهه: في ايه بس يا سي هنداوي ماهو الأكل جميل اهوة


هنداوي : وكمان بتردي عليا .. طااااااااااااااااخ



نبييهه: زغرطو يا عرببببببب ..خالتي فكيهه بتنضرببببببببببب


الرجوع الى أعلى الصفحة اذهب الى الأسفل
Mayada Goda
مراقب عام
مراقب عام
avatar

عدد المساهمات : 2483
المزاج : ليتهُم يعلمونَ بأنّ الصمت لا يعني بأننا لا نشعُر بل نشعُر . . ورُبّما أكثر مما يشعرون

مُساهمةموضوع: رد: نبيهه النبيهه وخالتى فكيها   الأربعاء 06 أبريل 2011, 10:35 pm

هههههههههههههههههههههههههههه

طيب والله حلوه وضحكني جدا

مشكله فكيهه دي







لــسّـتْ ضَعيـّـف لـكَنْ لَـــمْ أسّتطـِـعْ آلتحَمـّلْ أكّـثـرْ يـآ دنيّـاا أخـّبريهـمْ أنْ " لـِيْ قلـّـبَآ لَيّـسْ مـِن حجر
الرجوع الى أعلى الصفحة اذهب الى الأسفل
سكون الورد
مشرف
مشرف
avatar

عدد المساهمات : 2272

مُساهمةموضوع: رد: نبيهه النبيهه وخالتى فكيها   السبت 09 أبريل 2011, 2:55 pm

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
swallow
Special
Special
avatar

عدد المساهمات : 158
المزاج : زى الزفت و خليك ف حالك ي عم ملكش دعوه ب مزاجى

مُساهمةموضوع: رد: نبيهه النبيهه وخالتى فكيها   الأربعاء 13 أبريل 2011, 8:34 pm

يا تري ايه اللي عجبكم نبيهه النبيهه ولا
الخاله فكيهه
الرجوع الى أعلى الصفحة اذهب الى الأسفل
 
نبيهه النبيهه وخالتى فكيها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
GeoGraphy :: القسم الأدبى :: قسم القصص والروايات-
انتقل الى: