انا اوفلاين ولا اون لاين حد يفهمنى يا نااااااااااااااااس

السلام عليكم
هو بصراحة موضوع مش عارف اجاوبة
الناس ممكن تحس انة موضوع مش قوى
بس بصراحة انا عاوز اعرف الاسباب
الشق الاول من الموضوع
لما تيجى وتضيف واحد عندك على الماسنجر وتتكلموا مره واتنين

وبعد كده محال انك تشوف الاخ ده تانى اون لاين وتكتشف فى الاخر انك معمول ليك اوف لاين

طيب يا عم الرخم انت قبلت الاضافة ليه اصلا من الاول ؟؟ موضوع يضايق بجد ... [ندعوك للتسجيل في المنتدى أو التعريف بنفسك لمعاينة هذه الصورة]

وتحديدا مع الشباب وطبعا محال بعيد عنك تلاقى بنت معمولها اوف لاين لكن الشباب ياااااااااااااااااه

تبقى اعجوبة من اعاجيب الزمن لما تلاقيه معمول ليه اون لاين طيب يا عم انت قبلت اضافتى ليه اصلا

من الاول

ولا البنات تضيفك وبعد كده بعينك لو شوفتها اون لاين تانى ... طيب انتى بتضفينى ليه [ندعوك للتسجيل في المنتدى أو التعريف بنفسك لمعاينة هذه الصورة]

ليه بنضيف بدل ما احنا مش هنتكلم !!! [ندعوك للتسجيل في المنتدى أو التعريف بنفسك لمعاينة هذه الصورة]

انا اللى اعرفه ان الاوف لاين يبقى اوف لاين على كله لكن اوف لاين لشخص محدد وعلى طول

طيب انت ضيفته ليه بقى اساسا ......
الشق الثانى من الموضوع

زمان لما يبقى الواحد مشغول شوية
أو زهقان ومش قادر يكلم حد
أو حتى مش موجود
كان بيظهر اوف لاين شوية وبعدها يظهر اون عادى
أما دلوقتى بقى فيه برامج
لا ولنكات كمان أسرع
تبعت الميل يقولك هنا ولا لا
وتبقى انت اوف لاين
تلاقى اللى بيكلمك
أو اللى كاتبلك جمب ميله إنه عارف إنك هنا
أو الأغرب اللى يزعل ويقولك انت ظاهرلى أوف ألف شكر وبتاع
طب ليه بجد الاشتغالات دى
مش يمكن اللى ظاهر أوف عنده عذره ؟!
وليه تقعد تسطب ولا تكتب الميل
ما اللى يظهر يظهر واللى يختفى يختفى سيبه براحته
خليك رايق كدا وسيب كل واحد براحته
انتوا إيه رأيكوا فى الحكاية دى؟
وبتحب الحاجات دى ومسطب البدى تشك بقى ولا لأ؟
ولو عرفت حد ظاهر أوف هتزعل منه؟
وانا هاقول راى مقدما مش هامشى بمبداء { اللى ما تحتاج لوشه بكره تحتاج لقفاه }
ولو انى لو حبيت اطبقه يبقى ولا واحد هاكلمه ولانى مش محتاج اعرف مين اون لاين ومين اوف
ومش باحترم الاوف لاين اصلا دى وجهة نظرى
ولو انت عامل اوفلاين انا ايدى مش مقطوعة ولا جاهل انى مش اعملك اوفلاين بس اعملك بلوك خالص من الايميل ولا كلامى فيه غلط
تحياتى
كاتو

زائر

يا عم ما تسيب الماشى ماشى
وتسيب الراكب راكب
والله دى حاجة تجنن
وبعدين يا عم كلكم عارفين
ان انا اوفلاين الراجل يخش
يغلس
مع تحياتى النمر الادكاوى

[ندعوك للتسجيل في المنتدى أو التعريف بنفسك لمعاينة هذه الصورة]

هي تزعل بصحيح لما يبقي واحد صحبك اكتر من اخوك ويعملك اوف لاين
لكن لو زميل عادي اوف او اون ميهمش خاااااااااااااااالص وانا عن نفسي
بعمل اون والي عاوز يكلمني اهلا وسهلا والي مش عاوز كل واحد حر

والله يا جماعه دى حريه شخصيه

ويعنى إلى بيعمل كده أكيد مش صاحب صاحبه
لانه لو صحبى مش هعمل عليه أوف لاين ولكن أنا بتمنى إنه يفتح علشان أكلمه

والعكس طبعا

وفى الأخر ممكن أكون مشغول أو مضايق وعامل أوف لاين مش معنى كده إنك تزعل وتخاصم صاحب
لازم نراعى الأعزار

هو بقى ممكن يكون الموضوع يزعل لو عامل عليا بس وهو صحبى بمعنى أسئل واحد أقله فلان فاتح يقى أه

دى بقى تزعلنى بس فى حاله لو هو صحبى إنما غير كده ولا يهمنى

[ندعوك للتسجيل في المنتدى أو التعريف بنفسك لمعاينة هذه الصورة] شكرا كاتو

زائر

لا هى تزعل بصحيح لو صاحبى
عمل اوفلاين عليا انا بس
بس الكلام هنا
بيقول ان فى برنامج بيعرف الوفلاين
انا لما بعمل اوفلاين فده لغرض اخر
يعنى مرة واحد معايا على الشبكة
جاه يكلمنى على الايميل وبيقولى
اعمل ريسترت على الروتر
عشان النت فاصل
يعنى انتوا لو فى مكانى
حتعملوا ايه
والله انا ساعتها كنت حكسر الروتر
بس انا اتعاملت معاه ببرود
وفصلت على السويتش بتاعوا
وبعد شوية وصلت تانى
عشان اريحه
اصل النت كان فاصل
بس قولولى هو النت كان فاصل ازاى
وهو بيكلمنى على الايمل
من على جهازه
يعنى انا ليا حق اعمل اوفلاين
ولا لا
احكمه انتوا بقى
دى قصة من ضمن القصص

[ندعوك للتسجيل في المنتدى أو التعريف بنفسك لمعاينة هذه الصورة]

CARTOGRAPHY كتب:: والله يا جماعه دى حريه شخصيه

ويعنى إلى بيعمل كده أكيد مش صاحب صاحبه
لانه لو صحبى مش هعمل عليه أوف لاين ولكن أنا بتمنى إنه يفتح علشان أكلمه

والعكس طبعا

وفى الأخر ممكن أكون مشغول أو مضايق وعامل أوف لاين مش معنى كده إنك تزعل وتخاصم صاحب
لازم نراعى الأعزار

هو بقى ممكن يكون الموضوع يزعل لو عامل عليا بس وهو صحبى بمعنى أسئل واحد أقله فلان فاتح يقى أه

دى بقى تزعلنى بس فى حاله لو هو صحبى إنما غير كده ولا يهمنى

[ندعوك للتسجيل في المنتدى أو التعريف بنفسك لمعاينة هذه الصورة] شكرا كاتو

ما بلاش نتكلموا من ناحية صاحبى وصاحبك لانها بتعقدنى لان بصراحة ف الاوفلاين دى محدش بيحترم حد من الاخر
حتى لو عنده عذر ممكن لو صاحبه دخل يقوله انه اوفلاين بس عشان كذا واكيد لو التانى صاحبه هيراعى النقطة دى
ولا انا غلطان
على فكرة انت يا كارتو من اكثؤ مستخدمى الاوفلاين مش بالايميل بس وبالمواقع كمان

tiger man كتب:: لا هى تزعل بصحيح لو صاحبى
عمل اوفلاين عليا انا بس
بس الكلام هنا
بيقول ان فى برنامج بيعرف الوفلاين
انا لما بعمل اوفلاين فده لغرض اخر
يعنى مرة واحد معايا على الشبكة
جاه يكلمنى على الايميل وبيقولى
اعمل ريسترت على الروتر
عشان النت فاصل
يعنى انتوا لو فى مكانى
حتعملوا ايه
والله انا ساعتها كنت حكسر الروتر
بس انا اتعاملت معاه ببرود
وفصلت على السويتش بتاعوا
وبعد شوية وصلت تانى
عشان اريحه
اصل النت كان فاصل
بس قولولى هو النت كان فاصل ازاى
وهو بيكلمنى على الايمل
من على جهازه
يعنى انا ليا حق اعمل اوفلاين
ولا لا
احكمه انتوا بقى
دى قصة من ضمن القصص

طيب ما انا عندى شبكة يا محمد وانت عارف كده بس انا مش زيك
انا عاملهم ايميل مخصوص وبمعاد معين كاتبه ف صفحة المايكروتك بتاعى
ولو ف مشكلة جامدة عندهم الارضى اما الموبايل مش اى حد بياخده
ليه بقى تحطهم عندك ع الايميل وتعمل اوفلاين وبتاع انت كده مش بتحرج نفسك معاهم بس ومع اصحابك كمان

زائر

[/quote]
طيب ما انا عندى شبكة يا محمد وانت عارف كده بس انا مش زيك
انا عاملهم ايميل مخصوص وبمعاد معين كاتبه ف صفحة المايكروتك بتاعى
ولو ف مشكلة جامدة عندهم الارضى اما الموبايل مش اى حد بياخده
ليه بقى تحطهم عندك ع الايميل وتعمل اوفلاين وبتاع انت كده مش بتحرج نفسك معاهم بس ومع اصحابك كمان[/quote]

ارضى مين ياعم انت عايز تودينى فى داهية
ده انا ننطرد من البيت
لو حد رن عليا
ده كان فى واحد ابن حلال
لقى الموبايل متحول
رن على الرضى الساعة 2.5
يبقى تقولى ارضى
يا عم حرام عليك

[ندعوك للتسجيل في المنتدى أو التعريف بنفسك لمعاينة هذه الصورة]

مشرف **عدد المساهمات** : 156

مبدئيا دي حاجة مش كويسة خالص
وبتزعل كل الناس بس لازم نعرف السبب
اللي جعل واحد يعمل عليا اوف لاين
والله انا بعمل اوف لاين......... بس لما النت يكون بايظ
علشان لما بكلم حد مفيش كلام بيوصل واكيد حيكون الطرف التاني بيكلم نفسه
وان مبحبش حد يزعل مني بمعني انه ممكن يكون فكرني اني مش راضي اكلمه او بنفض له
او بطنش ..............................سوري في الالفاظ
بس هوه ده السبب وطبعا دي مش حرية شخصية زي ما كارتو جرافي قال.
اسف كارتو بس ده رأيي ...............
والسبب انها مش حرية شخصية اني مينفعش اكون ضايف حد واعمل عليه اوف لاين
لاني ببساطة انا لو مش عايز اكلمه مش حضيفة من الاساس
اسف لو طولت عليكم وده رايي بمنتهي الصراحة

تيجر احنا دافنينه سوا امال لو مكناش احنا اللى بنعملوا لعبة التليفونات دى
الف شكر على المرور ميدو
كفاية لحد كده النهارده

بالنسبالى حاجه مش بتضايقنى خالص لان غير ان انا معنديش غير شويه صغيرين من الكليه وشويه اقل من برا

فانا مش من هواه الكلام على الايميل قد كدا

بس عن نفسي مبعملش اوف لين لحد بعينه اذا عملت يبقي لكله لو مضايقه ومش عايز اكلم حد او مش على الجهاز كدا

ولو انى مشعايزه اكلم حد باقوله وبامسحه على طول منغير فصال

اما عن الشق التانى فبيضايقنى انى كل ما ادخل الاقي وحده بتتخانق معايا هو انتى عملالى اوف لاين ولا ايه

اقنعها يا بنت الحلال والله مش بادخل وطبعا بتزعل شويه بس بتقتنع واخدوا على كدا دلوقت الحمد لله

على كل ربنا يهدى الجميع

وشكرا يا كاتو على الموضوع

شكرا لك جوليت على المرور
ومن هنا سيداتى انساتى سادتى
نكتشف اننا ملائكة ومحدش بيحب الاوفلاين حتى كارتوجرافى طلع مش بيحبه
التنيجة رقم دو ان محدش بيحب يضيف حد لو مش عاوز يكلمه
النتيجة رقم تروا انى اتعلمت اعمل اوفلاين ع طوووول واريح دماغى
لانى شايف ان لازم يكون فيه شيطان ف وسط ملائكة زيكم
وبهذا تنتهى نشرتنا لهذا اليوم
على موعد نلقاكم غدا
والسلام عليكم ورحمة الله وبركاته
كاتو

» كنتورية أون لاين