قوانين الشات هام جدا جدا

قوانين الشات هام جدا جدا

1- ممنوع التعدى بالقول على اى حد مهما كان(سواء عضو ,مشرف،مدير، فنان ، اى شخص مهما كان) واى غلط بالاخص على اى عضو حيتم وقف الشات للمخطىء لمدة اسبوع واعطاءة مخالفة

2-ممنوع التعصب لشخص(تامر حسنى او عمرو دياب او غيرهم) او فرقة(اهلى,زمالك,اسماعيلى او غيرهم) او مكان او جهة ما واى غلط خيتم بسبب دة برضة حيتم وقف المخطىء لمدة اسبوع عن الشات واعطاءة مخالفة

3-ممنوع محاولة التقرب ببنات المنتدى باى طريقة مرفوضة من قبل البنت واى عضو يخالف هذا سيتم وقفة عن الشات لمدة اسبوع واعطاءة مخالفة و يتم تحذيرة وان تكرر يتم وقفة نهائيا

4-ممنوع اعطاء الايميلات والتليفونات والبيانات للعضو فى الشات, فى الخاص فقط ليس الا وتحت رغبة العضو الاخر علشان متبقاش عامة للكل واى مخالفة سيتم وقف الشات لمدة اسبوع واعطاءة مخالفة

5-ممنوع منعا بتا التكلم فى الدين او الجنس واى عضو سيخالف هذا سيتم وقفة دون انذار

6-الشات لمجرد الدردشة والتواصل بين الاعضاء فقط ليس الا

7-اى مشرف يكون موجود إما ان يحاول التدخل بهدوء أو يبعت للادمين والادمين يتصرف لكن لو المشرف تدخل واتعصب هو كمان وزادت بسببه حيتم وقف المشرف من الشات لمدة اسبوع(ما عدا مشرفين الشات لهم حق التصرف حتى على اى مشرف)
8- حق الاشراف علي الشات يكون للادارة الممثلة في المديرين والمشرف العام

ــــــــــــــــــــــــــــــ

واى مخالفة للقوانيين سيتم وقف العضو لمدة اسبوع عن الشات واعطاءة مخالفة واذا تكرر حيتم وقفة اوتوماتيك طبقا لقواعد المخالفات واذا تكرر تضاعف المدة يعنى تانى مرة اسبوعين وبعد تالت مرة وقف الشات نهائيا ما عدا رقم 3 و 5 وقف مباشر مع اعطاء السبب

تسلم يا تيتو

ويشرفى انا اكون اول من يرد على الدستور

بسم الله الرحمن الرحيم

ي سوسو ي جامد

الله ينور عليك بجد ي عمو

وي ريت تشدد شويه على حكايه التعصب فى الكوره

وأنا بجد هبطل اشجع الزمالك

ههههههههههههههههههههههه

----------a7med----------

انا شايف انكم مزودين الحكايه حبتين تلاته
مش بالشكل ده يا جماعه هو احنا داخلين منتدى على بابا
اهدوا شويه وبعدين كل واحد عارف الصح من الغلط يعنى مفيش حد هيعمل حاجه غلط
وشكرا.....

جغرافى مميز **عدد المساهمات** : 114

طيب انا وصلت يارجاله وبراحه عليا انا لسه جديد

ومتخدونيش علي الحامي

انت جاي بعد تنحي سيادة الريس

هو اللي كان حاكمك

هو انت كمان مع التغير

بالنسبة للمادة السابعة من الدستور والتي تنص علي

ما عدا مشرفين الشات لهم حق التصرف حتى على اى مشرف

يجب ولابد وحتما ولازم وقطعا

الغاءها مع الغاء قانون الطؤاري وبيس جدي كده

والله انا شايفه القوانين دي عين العقل عشان محدش يخالفها والي يخالفها يكون عارف العقاب
ويفكر قبل ما يعمله عشان في ناس بتستغل الموقف وشكرا علي القوانين يا تيتو ودي الصح الصراحه

مشرف **عدد المساهمات** : 2272

شكرااااااااااااااااااا

لاهتمامكم بتطوير المنتدي

والي الامام دائما

بسم الله الرحمن الرحيم

والله انا شايف انك تلغي الدردشة احسن

ومش عارف ايه المشكلة انه يتم فتح مواضيع ايا كانت طالما الكلام فيها في حدود الادب

سواء كانت رياضية او دينية او غيرها

ولكن المفروض يكون العقاب علي يغلط او يتطاول فيها مش اللي بيتناقشو فيها

الا وفعلا تلغي الدردشة خالص احسن

وشكرا سويدان

انا شايف

انك تحط 2 عساكر امن مركزى عند الشات

احنا عاوزين اشراف من القضاء على الشات

الاعضاء يريدون اسقاط النظام

أنا شايف إن دا كلام جميل مقدرش أقول حاجه عنه وأنا رأى متوافق مع رأى الشناوى عشان إحنا خلاص كبرنا وعارفين الصح من الغلط وبعدين بلاش حكاية العقاب دى ألا الناس إللى فى المنتدى تخاف وبعدين محدش حيكلم حد وكده مش هينفع ولا إيه
أما بالنسبه لموضوع العقاب سبوع أو سبوعين إتنين دى يا ريت تتأجل شويه عشان الواحد يكون فرفش وظقطط و ياريت المنتدى يكون فيه مروحه عشان بعرق وأنا نايم
هههههههههههههههههههه
وصباح الفل على الكل
والسلام عليكم ورحمة الله وبركاته
رفعت الأعده

الله ينور دا جلام جميل جدا خالص اخر 7 حاجات

بس انا شايف ملحوظه صغيره

الاشراف على الدردشه لازم يكون لاكتر من عضو علشان لو حد غلط فى اى حاجه او اتنين كانو بيتكلموا وعاوزين يمسحوا الكلام او اى حد دخل يغلس لازم حد يوقفه

انا شايف كده

جغرافى مميز **عدد المساهمات** : 114

klko shefen amal ana msh shaef leh w elnas de be2olo klam zy elfl قوانين الشات هام جدا جدا 829797

يا جماعه القونين مضيقاكو ليه دي محطوطه للناس الي هتتعدي عليها ومادام انتو مش هتعملو حاجه غلط خلاص مضيقاكو ليه
والله الي عارف الصح يعمله والي عارف الغلط وهيعمله هيتعاقب بقونين المنتدي
مش عارفه انتو زعلنين ليه القونين محطوطه للي هيغلط بس او يتطاول في الرد او الكلام
بس اكيد حريه الراي مكفوله للجميع وملهاش دعوه بالقونين القونين دي محطوطه للي هيتطاول في الرد او الكلام بس حريه الراي والتعبير موجوده
وشكرا يا سويدان علي القونين

بسم الله الرحمن الرحيم

الصراحه يعنى والحق يقال بالنسبه للدردشه

لو هتعملوا اشراف يبقى للعضاء كلها

علشان بس منعا للمشاكل وحكايه الاقصاء وان حد من المشرفين يخرج حد من الاعضاء دى الصراحه حركه بايخه

وممكن تزعل حد من حد تانى

وكمان يعنى البلد اتغيرت وبقيت السلطه فى أيد الشعب هتيجوا انتم هترجعونا لعصر بابا حسنى تانى

لابد من رفع شعار الديموقراطيه والمساواه بين الاعضاء والمشرفين

ومش كفايا ان المشرفين لهم السلطه انهم ممكن يقفلوا ويمسحوا اى رد واى موضوع

على الاقل من حق الاعضاء المساواه معاهم فى الدردشه

----------a7med-----------

لو سمحتو يا جماعه مفيش موضوع بيتنقل او بيتمسح الا لو بيبقي فيه كلمات ميصحش تتقال
وكذلك بالنسبه للردود وبالنسبه للدرشه حكايه الاشراف عليها دي في ايد الاداره وحدها
وبعدين لو حق الاشراف بقي في ايد الاعضاء اظن المهذله كانت كانت بتحصل الاول في الدردشه هتحصل تاني واظن كلكو عارفين ايه الي كان بيحصل في الدردشه الاول من تجاوزات علي بعض من بعض الاعضاء
فالاداره تختار مين الي ليه حق الاشراف وعلي فاكره انا ذات نفسي مش مشرفه علي الدردشه
واي موضوع يتمسح لاي عضو بعد كده يبعت رساله للادراه بمسح موضوعه وكمان الموضوع مش بيتمسح ممكن يكون منقول في قسم تاني القسم المناسب ليه وبعد كده اي موضوع هيتمسح او يتم نقله هيتم ارسال رساله للعضو نوضح فيه سبب نقل الموضوع او مسحه

A7MED NABIL كتب:: ومش كفايا ان المشرفين لهم السلطه انهم ممكن يقفلوا ويمسحوا اى رد واى موضوع

على الاقل من حق الاعضاء المساواه معاهم فى الدردشه

انا عارف ان الرد ده علشان كلامى اللى كتبته

انا جبت اللى انا كتبته وقؤلت انها من صلحياته

مقؤلتش انهم بيمسحوا ولا حتى انهم بيقفلوا مع انى مش بحب ان تكون الهيمنه والاداره متمركزه فى ايد ناس محدده

على كده هما يعملوا فينا اللى هما عوزينه ومحدش يقؤلهم أنتم بتعملوا أيه

لالالالالالالالالالالالالالالالا

فعلى الاقل ان تكون اشراف الدردشه مسموحه لجميع الاعضاء

والعضو اللى يصدر منه اى سلوك خاطئ على المتضرر انه يبعت رساله للآدمن هو اللى يقرر ويشوف

فلابد حتى ان يكون هناك مساواه فى الدردشه على الاقل

----------a7med----------

لازم نحترم بعض كلنا

بس انا عندى شوية ملاحظات

الدستور ده محطوط علشان يحافظ على حقوقنا
وبرده لازم كل واحد يعمل اللى عليه

زى
انك ما تترددش عن الابلاغ عن غلط يحصل وانت عارفه
وكمان تقول رايك فى اى تعديل انت شايفة فى المشرفين او الادارة او المنتدى

من حيث
اى حاجة

بس نحترم بعض
المشرف هنا مش جلاد

هو عبارة عن مراقب قوى للاحداث
بس

واحنا ما عندناش مانع ان كل الناس تبقى مشرفين

بس اللى بيحصل فى الدردشة كان حاجات
...............
تستحق اننا نلغى كل الاشراف عليها

يا جماعة
انا استسمحكم
ان الاشراف هيبقى للمديرين والمراقبين بس

واللى يحصل معاه اى حاجة يبلغ اى حد منهم
فى رساله خاصة
وهو هيعمل اللى يقدر عليه

وشكرا لكم جميعا على الاهتمام بالتعليق على الدستور

والله ده موضوع جميل
وفعلا يجب الاخذ به وتقدير قيمته
لان فعلا انا شايفه ان كان في حاجات فعلا لازمها القانون ده

» الشات ايام الكفار
» قوانين منتدى