لو من جيل التسعينات .. اكيد مش هتنسى ....

اذا كنت انت من جيل التسعينات , يبقى أكيد هاتفتكر الحاجات دي ..

راجع معايا كده:

1.اذا كان لبسك الصيفي في يوم من الايام مكون من مجموعة تيشرتات (كيلفن
كلاين) مضروبة وبناطيل تلجي شارل ستون (يا حبذا لو كانت ماركة انتربول
التركية كنت تبقى ملك).

2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.

3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة
فيهما ثم فوجئت عند مشاهدهما على الفضائيات ان التليفزيون المصري كان
يخدعك طوال هذه السنوات ويعرض لك (ربع المسرحية).

4.اذا كانت الخيارات المتاحة امامك لمشاهدة فيلم في السينما هي فيلم نادية
الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل
امام (مكانش بقى زعيم لسه).

5.اذا كانت الخيارات المتاحة امامك لمشاهدة مسلسل في التليفزيون هي مسلسل
أحمد عبد العزيز التاريخي أو مسلسل أحمد عبد العزيز الرومانسي أو مسلسل
أحمد عبد العزيز الصعيدي.

.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)

8.اذا كنت شاهدت اثنين او اكثر من حفلات ليالي التليفزيون والتي كان
الاعلان عنها يصحبه رقم الليلة (ليالي التليفزيون..الليلة السادسة
والعشرين)..حتى جاء الاختراع اللى اسمه مارينا وقرروا ينقلوا الحفلات فيه

9.اذا كنت تشاهد عند عودتك من المدرسة أو الجامعة برنامج (أماني وأغاني)
لتشاهد أحدث الكليبات المكررة يوميا

10.اذا كنت تنتظر بلهفة برنامج (كلام من دهب)

13.اذا تكون شاهدت على الحجار مرتين في يوم واحد على نفس القناة...مرة
العصر مرتديا التيشرت والشورت والنضارة الشمس وهو يغنى (يا اسكندرية يا
مدوبانى) ومرة الفجر مرتديا الجلباب والجبة وهو يغني (صلينا الفجر فين).

14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!

15.اذا كنت تمتلك مجموعة من روايات رجل المستحيل وملف المستقبل وتعتبرها
قمة فى الادب..وكنت تقوم باستبدالها من المكتبة باعطاءه العدد وربع جنيه
لتحصل على عدد آخر.

17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!

.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).

20.اذا كنت قد مشيت في شوارع المعمورة لتجدها كلها تستمع لأغنية (عبد
القادر) للشاب خالد أو (حوا) لمجدي خوري أو شريط (سحراني) لايهاب توفيق.

21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).

26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).

27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!

28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)

29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).

37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).

40.اذا كنت قد شاهدت نادي الزمالك يترك أفضل لاعب في مصر (رضا عبد العال)
يرحل للغريم التقليدي الأهلي بسبب رفض طلبه لزيادة راتبه السنوي برقم ضخم
للغاية (خمستاشر ألف جنيه!!!)

40.اذا كنت قد شاهدت نادي الزمالك يترك أفضل لاعب في مصر (رضا عبد العال)
يرحل للغريم التقليدي الأهلي بسبب رفض طلبه لزيادة راتبه السنوي برقم ضخم
للغاية (خمستاشر ألف جنيه!!!)

41.اذا كان المسلسل الكوميدي المفضل لك في الابتدائية هو (بكيزة وزغلول)
وفي الأعدادية هو (وانت عامل ايه) وفي الثانوية (يارجال العالم
اتحدوا)..خاصة شخصية بطرس منقريوس التي لعبها النجم حسن حسني.

42.اذا طاردتك ايمان الطوخي لفترة من حياتك..تجدها صباحا بطلة لمسلسل
الأطفال (كوكي كاك) وعصرا مغنية تقول (انا من النظرة الأولى شفت الدنيا
بلون الورد) ومساءا ممثلة تلعب دور استر بولونسكى فى رأفت الهجان.

43.اذا كانت الألعاب الألكترونية المتاحة لك تتراوح بين الاتاري الاسود
(ابو دراعين كبار) او كومبيوتر صخر التعليمي (صاحب الالعاب السخيفة) أو
الاتارى الفاميلى (سوبر ماريو وكابتن ماجد طبعا) أو الأميجا أبو ديسكات
(ولعبته الشهيرة سينس بول).

45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.

46.اذا شاهدت مسلسلا للمخرج حسام الدين مصطفي ورأيته في أخر التتر بصلعته
اللامعة وسلسلتة الذهبية ينظر للكاميرا بابتسامة غريبة وهو يشير بابهامه
لأعلى.

47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..

49.اذا كرهت الشخصية التي لعبتها تيسير فهمي في مسلسل (أبناء ولكن) والتي
تسببت في تحويل حياة جميع الشخصيات الأخرى إلى جحيم..وفوجئت بها في الحلقة
الأخيرة تندم على افعالها وتتحول لحمل وديع ويتصالح الجميع ولا عزاء
لمرارتك المفقوعة.

53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب

وفى الاخر يقولك
عايزنا نرجع زى زمان قول للزمان ارجع يا زمان

هههههههه والله قعدتك غم ياا غريب فكرتنى باللذى مضى قول للزمان ارجع يا زمان

ماشى يا عم القديم

منتظرين موديلات 2010

ههههههههههه
انت قديم ي بيبرس روح اسمع كارتون افضل قال مزنجر قال دا من ايام السبعينات

[ندعوك للتسجيل في المنتدى أو التعريف بنفسك لمعاينة هذه الصورة] هههههههه قول للزمان ارجع يا زومن

هههههههههههههههههههههههههههههه

والله فكرتنى بزمااااااااااااااان كان معايا قصه واحده وكنت مدوخ بيها اصحابى وكنت عامل فيها مثقف
كان اسمها الحمار الكذاب وايه كانت صفحه ونص ومكنتش بعرف اقراها كمان كان اخويا بيقرهالى
ههههههههههههههههههه
كانت ايام والله جميله
فكرتينى باللذى مضى يا بومبو

[ندعوك للتسجيل في المنتدى أو التعريف بنفسك لمعاينة هذه الصورة]
edit :::::::::::::::::::::::::::::
A7MED NABIL

ههههههههههههههههههههههههههههههههههههه
والله ايام زمان عمرها ما هتتعوض وياريت الزمان يرجع تاني
متهياليش يا بيبرس انك شفت كل الي انت كتبه دي عشان فيه فعلا حجات جميله جدا وياريت يرجع الزمن عشان اشوفها تاني
زي قصص الرجل المستحيل وملف المستقبل اصلا قصص اكتر من رائعه واسلوبها جميل جدا متهياليش ان في زي نبيل فاروق في كتابه القصص دي بس بجد يا ريت الزمان يرجع لورا تاني

جغرافى مميز **عدد المساهمات** : 61

صحيح زمان كانت الامكانيات بسيطه لكن شعورنا بيها كان احلى لكن دلوقتى كل الاماكانيات فى استطاعتنا لاكن فقدنا مذاقها خلاص يعنى وجودها زى عدمه ده غير ان ربنا كان مبارك فى كل حاجه زمان لاكن دلوقتى كل حاجه ملهاش معنى اصلا عموما قول للزمان ارجع يا زمان على راى الست

ههههههههههههههههههههههههههههههههه
كانت ايام لا تعوض

جغرافى مميز **عدد المساهمات** : 168

انا عن نفسى لو تجيلى اله الزمن وتقولى اختارى اى مرحله تحبى تكونى فيها من القدم
اختار مرحله طفولتى
ياااااااااا
اجمل مرحله فى حياتى
ده طبعا زائد الفترات التاليه من عمرى
بس كل ده اسمه
زماااااااااااااااااااااان
بس بجد كانت اجمل ايام
ومش بترجع تانى فعلا
ياريت ارجع بس لورا ولو شويه صوغنططين
ميرسى بيبرس على الموضوع اللى رجعنا ورا كتير ده
بجد موضوع جميل
[ندعوك للتسجيل في المنتدى أو التعريف بنفسك لمعاينة هذه الصورة]

فعلا
كانت ايام وعدت .. كانت ايام وفاتت
شكرا يا جماعة على الردود الجميلة
وربنا يوفقنا كلنا وننجح ونجيب تقدير كمان

» ما تفكرش نفسك اصيع واحد اكيد فيه اصيع منك