الانسان مسير ولا مخير

بسم الله الرحمن الرحيم
بجد دى اول مره او تانى مره تقريبا افكر فيها انى اكتب موضوع بنفسي و انشره و اعبر فيه عن وجهة نظر او فكره معلقه فى دماغى و مربوطه باسئله احترت فى الاجابه عليها
المهم بعد ما اخدت قرار انى اكتب و فكرت كويس ان كلامى ممكن محدش يقراه غيرى و محدش يهتم بيه غير اتنين تلاته قررت تانى انى اكتب واللى يحصل يحصل

الموضوع بقى اللى فى دماغى وحيرنى و فكرت فيه كتييير و اخيرا لقيت حل اقنعنى و صدقته الموضوع ده هو عباره عن سؤال

هل الانسان مسير ام مخير؟؟

و علشان انا مش عارف ازاى احط ضمه على الميم هنا و هنا انا هاشرح الكلمتين ببساطه

مسير:يعنى كل حاجه بتحصلك او انت بتعملها فى حياتك هى حاجه مفروضه عليك و بتحصل غصب عنك و انت ملكش اى دخل فى اختيارها او عدمه لانها هتحصل هتحصل حتى لو غصب عنك

مخير:معناها ان حياتك دى ملك ايدك لوحدك و دماغك هى المصدر الوحيد لقرارتك
يعنى انت اللى بتختار تعمل ايه و متعملش ايه تاكل ايه و تشرب ايه و تدخل كليه ايه و تتجوز مين تعيش فين و تشتغل ايه و تسمى ابنك ايه و بنتك ايه

هو ده معنى الكلمتين دول"مسير و مخير"و لكن
يبقى السؤال الاهم هل انت كانسان مسير ام مخير؟؟
تعالوا نفكر بالعقل اولا و هاسالك كام سوال كده

يا ترى انت اخترت ابوك و امك؟؟
يا ترى اخترت اسمك؟؟
يا ترى اخترت شكلك؟؟
يا ترى اخترت اهلك ؟؟
يا ترى اخترت المكان اللى اتولدت فيه؟؟
يا ترى اخترت جنسيتك؟؟
و طبعا الاجابه على الاسئله دى هى لا والف لا

و بعد ما سالت نفسى الاسئله دى حسيت بعدها انى فعلا انسان مسير كل حاجه فى حياتى خارجه عن ارادتى و انى عايش وخلاص و مستنى كل حاجه فى حياتى تحصل من غير اى تدخل او اختيار منى
بس لما فكرت شويه حسيت ان الاجبار نعمه و خصوصا فى الحاجات اللى فى الاسئله اللى فوق دى

يعنى مثلا لو كل واحد هيختار ابوه و امه كان زمان الاباء و الامهات انقرضوا و كانت البلد كلها اختارت فلان الفلانى لانه مشهور و غنى و معاه سلطه
و كانت هتبقى فى ازمه فى الامهات و ده طبعا لان كلنا هنختار ما بين اتنين تلاته و غالبا هتكون منهم ابله فضيله

ولو كل واحد اختار عيلته كانت الناس كلها اختارت اعضاء مجلس الشعب و الشورى و الوزراء و ابوتريكه و احمد زويل و شويه ممثلين لزوم الشياكه
و طبعا مكنتش هتعرف خالك الطيار ولا عمك الضابط و لا عمك التانى المهندس ولا ابن خالتك اللى هو صاحبك الانتيم و الخ الخ الخ

لو كنت اخترت اسمك مكنش بقى فى اسماء زى المنشره دلوقتى و كانت الناس كلها انحصرت فى اسمين تلاته و تبقى ماشى فى الشارع و لو قلت يا فلان هتلاقى البلد كلها بتبصلك و فاكرين انك بتنده عليهم
الحقيقه انا حمدت ربنا انى مسير فى الحاجات دى

طيب وبالنسبه لحياتى بقى هل كل حاجه فيها برضه انا مجبر عليها

يعنى اصحابى دراستى لبسى خروجاتى مع اصحابى قرارتى هل كل ده انا مجبر عليه
الاجابه هى لا طبعا

و الدليل حاجه بسيطه جدا و كلنا مؤمنين بيها و هى يوم القيامه اللى كلنا هنتحاسب فيه على اعمالنا
تفتكر لو انت حياتك كلها مش فى ايدك و بتختار دايما من اختيار واحد و كل حاجه بتحصل غصب عنك
تفتكر ربنا كان حيحاسبك او كان هيسالك عن اعمالك يوم القيامه
تفتكر كان هيبقى فى جنه ونار
فكر كويس قبل ما ترد بس انا هاجبلك من الاخر و هاقولك على التفسير اللى جه فى دماغى و يارب اعرف اوضحه
بعد لما فكرت كويس اتاكدت انى انا اللى بختار
يعنى انا بختار صحابى دراستى حياتى مراتى سكنى شغلى كليتى لبسى كل حاجه
بس لان ربنا عليم بما فى السموات و الارض فهو وحده اللى عارف الغيب و عارف اختيارى ده هينتج عنه ايه و هو ده القدر او النصيب اللى ربنا كتبهولك بناء على اختيارتك فى الحياه الدنيا
هضربلك مثل
و انت قاعد فى يوم بتفكر فى موضوع و بتختار ما بين مثلا شقه هنا و شقه هناك
انت اخترت شقه هناك
هل حد اثر عليك او اختارلك؟؟
لا
هل حد ضغط عليك وهددك؟؟
لا
هل حد كان عارف انت هتختار ايه غيرك؟؟
الوحيد اللى كان عارف هو ربنا سبحانه و تعالى و ربنا كمان عارف الشقه دى شكلها ايه و فين و حياتك فيها هتبقى عامله ازاى و الخ الخ الخ
تفتكر ربنا هو اللى اختارلك الشقه دى
اعتقد لا و لكن ربنا سبحانه وتعالى كان عارف اختيارك من الاول و قدرك اتكتب بناء على اختيارك ده

فى الاخر احب اؤكد ان حياتك دى ملكك انت بس و لو حد يقدر يغيرها يبقى انت بس و معاك ربنا
و خليك عارف دايما ان حياتك كتاب مفتوح بتكتبه بايدك صفحه صفحه لكن الوحيد اللى عارف انت هتكتب ايه و هتبطل كتابه فين هو الله سبحانه وتعالى

انا عارف الكلام اللي ممكن تقولوه علي دلوقتي بعد ما تقروا الموضوع

بس دي وجهة نظري

ســـــــــــــــــــلام

مشرف **عدد المساهمات** : 2272

في الحقيقة

الانسان مسير فما يحث له ليس له به ارادة مثل اختيار وقت الميلاد والممات و حتي لو كان الانسان مسير للأصبح كالملائكه.....

ولكن ايضا مخير في مسألة الارادة الحرة...!

وايضا لو كان الانسان مخير ماخير ادم لاكله منلا الشجرة التي امره الله الا يأكل منها

:geo5:

فى الحقيقه احيانا فى امور بيكون الانسان مسير فيها بس فى الامور اللى بتتعلق بحياته الشخصيه لما يكبر بيبقى مخير فيها وله حريه الاخيار

شكرا علي المرور
سكون الورد
&
قمر الزمان

اذا كان الانسان مخير في تلك الامور مثل ميعاد الميلاد والممات وهكذا فهو مخير في اختيار دينه وحياته واسلوبه وطريقته معيشته

وتفكيره ورأيه وتكوين شخصيته

واذا كنا في مثل هذه الامور مصيرين فأنا احب هذا لان من اختار لي تلك الامور هو الله عز وجل

ولو كنا نحن من اختار لاخترنا ماكتبه الله تعالي لنا

موضوع رائع وفكره مهمه سلمت يداك جزاك الله خير

شكرا علي المرور يا فراشة الحب

» حوار بين الحب و الانسان
» قف مع نفسك ايها الانسان
» ارقي ما يتعلمه الانسان في الحياه