هنتغير بجد√√√

[ندعوك للتسجيل في المنتدى أو التعريف بنفسك لمعاينة هذه الصورة]

اولا انا شفت الموضوع ده في منتدي اخر حقيقه عجبني وحبيت

ان يكون لينا نصيب كشباب في رؤية هذا الموضوع وطرحه واليكم مقدمه

وارجو رؤية وجهات نظركم ومشاركاتكم ودعمي في هذا الموضوع اذا اعجبكم

من نحن ؟
شباب هنتغير بجد
هم شباب يتخذون المنهج الوسطى المعتدل فى حياتهم وفى تفكيرهم
يسعون الى إحداث تغيير شامل فى كل مجالات حياتهم ولا يقتصر التغيير الذى يريدونه على التغيير
فى المجال الدينى ( الفروض و العبادات )
وانما يتجه التغيير على كل مجالات حياتهم فى المجال الاجتماعى حسن التعامل مع الاخر
من بر الوالدين وصله الرحم والتعامل مع الناس بصوره توقير واحترام
والتغيير الرياضى والتغيير العلمى والتغيير الاقتصادى والتغيير الابداعى
والتغيير العملى والتغيير التربوى والتغيير الثقافى والتغيير التنموى
ولا يقتصر التغيير المراد على انفسهم فقط
وانما يتجه الى التغيير الايجابى الذى يساعد غيره من افراد على التغيير
ولا ينتقد فقط وانما يحدد الخطأ ويبادر هو بإصلاحه ولا ينتظر غيره
يمتلك الكثير من الصفات الايجابيه
ويقاوم الصفات السلبيه فى نفسه وفى مجتمعه

ويقدم لكم

حملة هنتغير بجد

هدفها من اسمها هنتغير بجد

سياستها تحبيب الشباب فى الاسلام

شعارها هندخل الجنة سوا

ستتكون الحملة من حلقات كتير

وكل حلقة عباره عن حوار بين اتنين

+الاول وهو اللى هيغيرنا بجد
=والتانى وهو الشاب او الفتاه
يعنى انا وانت
انتظرونا فى اول حلقه

موضوع جميل
وفكره حلوه

good idea

جزاكى الله خيرا

وفى انتظار اولى الحلقات

سعيده ان الموضوع عجبكم

ويا رب نستفاد سوي منه واليكم اولي الحلقات علي امل الافاده

[ندعوك للتسجيل في المنتدى أو التعريف بنفسك لمعاينة هذه الصورة]

الحلقة الاولى

+السلام عليكم

=وعليكم السلام

+عامل ايه ؟

=تمام

+ومع ربك عامل ايه؟

=زى اى شاب بعيد عن ربه

وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..

+طب وانت ايه اللى بعدك عن ربنا[ندعوك للتسجيل في المنتدى أو التعريف بنفسك لمعاينة هذه الصورة]

=ان اى واحد يقولى لازم علاقتك

مع ربنا تكون 10من10
او0من10

+يعنى ايه؟

=يعنى معظم الناس متبعه قاعدة

(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه

+وانت عجبك حالك مع ربنا ؟

=طبعا لا

[ندعوك للتسجيل في المنتدى أو التعريف بنفسك لمعاينة هذه الصورة]

اعمل ايه؟
وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..

+تعرف انك كده قانط من رحمة الله

[ندعوك للتسجيل في المنتدى أو التعريف بنفسك لمعاينة هذه الصورة]

القنوط من رحمة الله اصلا من الكبائر

=طب اعمل ايه؟؟!

+انت مصدق ربنا فى كل كلامه

=طبعا من غير تفكير

+ممكن تسمع الايه دى

=اتفضل ..

+قال الله عز وجل

(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم

+انت مش حاسس ان الايه دى
بتكلمك انت

=حاسس

+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار

=انا ما قلتش كده

+امال ايه؟

=انا قصدى هل من السهل ان اعمل اى عمل وربنا يمسح كل ذنوبى !!!

+انت ماتعرفش مين هو الله

=انا عارف

+ماتعرفش ان ربنا

كريم
ورحيم
وعظيم
ولما يغفركل ذنوب العالم
مش هينقص من ملكه شئ

=عارف والله

+امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه

=قصدك ايه من المثال ده

+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا

=والله انت غيرت تفكيرى

خالص
قولى بقى ازاى ربنا يغفر لى كل
ذنوبى

+ ده اللى هتعرفه فى الحلقه التانية بأذن الله

اهم حاجه
تيقن نفسيا ان ربنا هيغفرلك
ولا يبالى
+يلا سلام

=قول السلام عليكم احسن

+انت صح
السلام عليكم

=وعليكم السلام ورحمة الله وبركاته

اتمنى ان ينال اعجابكم

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم
صراحه حلقه حلوه
تسلمي فراشة علي هذه الحلقة
وفي أنتظارالحلقه الثانية

يا رب تكون الحلقه عجبتك وافادتك ومنتظره مشاركاتكم وتقييمكم للموضوع

ويا رب يعجبكم ويكون ذو فائده بنائه

وطبعا الاهم شكرا علي مرورك احمد

بسم الله الرحمن الرحيم

بجد يا فراشه موضوع جمييييل خالص

وفكره حلوه خالص

وبارك الله فيكى وأن شاء يكون فى ميزان حسناتك

وفى إنتظار الحلقة التانية

ويارب يكون الموضوع ده ثابت

----------a7med---------

A7MED NABIL كتب:: بسم الله الرحمن الرحيم

بجد يا فراشه موضوع جمييييل خالص

وفكره حلوه خالص

وبارك الله فيكى وأن شاء يكون فى ميزان حسناتك

وفى إنتظار الحلقة التانية

ويارب يكون الموضوع ده ثابت

----------a7med---------

الموضوع ده ثابت ان شاء الله وطبعا ثابت بدعمكم ليا وتعليقاتكم

علي حلقاته يعني عايزين نناقش موضوعات حلقاته

وطبعا يجعل الموضوع ده ايضا في ميزان حسنات صاحبه الاصلي واللي

انا ناقله الموضوع عنه

وتسلم يا احمد علي مرورك العطر ومتحرمناش من مرورك ولا تعليقاتك الرائعه

[ندعوك للتسجيل في المنتدى أو التعريف بنفسك لمعاينة هذه الصورة]

الحلقة الثانية

(امسح كل ذنوبك)

+ايه الاخبار
=ده انت عملت اول امبارح فيا
حتة مقلب قعدت تحمسنى
وفى الاخر علقتنى ومشيت
+عارف وكان قصدى
=ايه!!
=طيب ليه كده؟
+لان لو اخدت كل حاجة مرة واحدة
هتتحمس شويه وبعديها بساعة
ولا كأن فى اى حاجه
=كلامك مظبوط
+وخلى بالك كل حلقة هيكون
نفس النظام
=بس على الله يجى بفايده
+قلتلك اول امبارح ثق فى الله
وما تحملش هم
=ماشى..مش ندخل فى الموضوع بقى
+ماشى..يلا
.3.
.2.
.1.

+السلام عليكم ورحمة الله
=وعليكم السلام ورحمة الله
+ايه الاخبار
=تمام..الحمد لله
+طبعا زى ماانت عارف ان حلقتنا
النهاردة عن ازاى نمسح كل ذنوبنا
+فى البدايه لو قلتلك
ممكن تعد ذنوبك اللى عملتها
من يوم ما اتولدت
=ايه ..
=انت بتكلمنى انا..
+طب بلاش ..
ممكن تعد ذنوبك اللى عملتها
طول الاسبوع ده
=يا عم انا ماشى ...
انت جاى تفكرنى باللى فات
+استنى انا قصدى ان انت
ماتعرفش تعد الذنوب اللى
عملتها النهاردة اساسا
+ومحدش يقدر يعدها الا
الله
=صح
+اذن ماحدش يقدر يمسحها
الا الله
=ونعم بالله
+ولكن ازاى نخلى ربنا يغفر (يمسح)
لنا كل ذنوبنا
=ازاى ..قول انت؟؟
+بصراحة مش انا اللى هقولك
=امال مين ..؟
+اللى هيقولك هو اللى هيغفرلك
كل ذنوبك..حيث قال
عز وجل
(فقلت استغفرو ربكم انه كان غفارا)
=صدق الله العظيم
=يعنى ربنا ممكن يغفر لى
ذنوبى كلها
+انت مش مصدق ربك ولا ايه ؟؟!!
=انا مصدق والله
ده حتى كلام ربنا
بس انا مش متخيل
يعنى ربنا هيسامحنى فى
كل اللى عملته؟
+انا عارف انك فرحان اوى
علشان كده اسمع الحديث القدسى
الجميل ده
(يابن ادم لواتيتنى بقراب الارض
خطايا ثم لقيتنى لا تشرك بى شيئا
اتيتك بقرابها مغفرة)...

=طب ولو ذنوبى اكتر
+ممكن ما تقاطعنيش تانى
=انا اسف بس انا فرحان اوى
+عارف بس اسمع للاخر
=ماشى انا اسف
+(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)
+انت واخد بالك من حاجه
=ايه ؟؟
+ان ربنا بيقول غفرت على طول
يعنى ما فيش قبلها ثم ولا حتى
فاغفر
=طب ودى فيها ايه
+فيها كتير
+ان الله لو قال ثم قبل غفرت
معنى كده ان فى فترة ما
ما بين استغفارك لربنا و
ان ربنا يغفرها لك
ونفس الكلام فى لو كانت فاغفر
مع ان اللغه بتقول ان الفاء
تدل على سرعة التنفيذ
ولكن خلى بالك ان حتى لو فى
سرعة فى عمل شئ
برضه هتاخد وقت حتى
لو ثانية واحدة
بس اخدت وقت
ولكن ربك عظيم
اووووووووى
ان معنى ان ربك ما يقولش
ولا (ثم )ولا(ف)
معنى كده ان مفيش اى وقت
ما بين نطقك للاستغفار
وان ربنا يغفرها لك
=ياه ..اد ايه رينا كريييم اوى
+والله ربك عظيم جدا ولكن احنا
اللى مش واخدين بالنا
+ولو تاخد بالك ان
فى جميع ايات القران
ربك بيقدم صفة الغفران عن اى شئ
يعنى مثلا
(ان الله غفورا رحيما)
ربنا قدم صفة الغفران عن الرحمة
لان استحاله ربنا يرحم شخص
كثيرالذنوب وبالتالى ربنا
هيغفرله ذنوبه وبعده ربنا يرحمه
ولو افترضنا ان قلبك حتة قماشة
بيضة وكل لما تعمل ذنب الذنب ده
يعمل نقطة سوداء على القماشة
اظن كده حتة القماشة بتاعة كل واحد
اتحرقت مش اسودت
=صح
+وخلى بالك ان حبيبك النبى
شبه القلب كأنه حتة حديده
والذنوب كأنه الصدأ اللى على الحديده
والاستغفار هو المنظف لهذا الصدأ
طب ما تجى نلمع قلوبنا بقى
= والله انا نفسى بس التلميع
هيجهدنى اوى وهيتعبنى
+اهم حاجه انت ازاى بتستغفر ربنا
هل بتستغفر من فمك ولا من قلبك
=طب ازاى استغفر من قلبى
+بأنك وانت بتستغفر تكون واثق من ان ربنا هيغفرلك
=ونعم بالله
=طب ازاى استغفر ربنا ؟؟
+فى اذكار كتييير جدا
يعنى مثلا
(استغفر الله )
(استغفر الله العظيم واتوب اليه)
(استغفرك اللهم واتوب اليك )
وفى اذكار كتييير
ولكن لو تلاحظ ان النصف الاول
لو مشيت على حلقة النهارده
اتحقق وهو ان ربنا يغفرلك
ولكن ازاى تتوب لربنا بجد وازاى
تعرف ان ربنا تاب عليك
=اه ..ازاى ؟؟
+ده للى هتعرفو فى الحلقة الجاية
ولكن واجبك من النهاردة تكثر من الاستغفار
علشان نتظف قلبك من اى قذارة
واكيد القذارة على قلوبنا كتيير
+وفى الحلقة التالتة هنتوب بجد لربنا
=طب ما تقول اى حاجه
+انا قلت بكرة ان شاء الرحمن
+يلا..السلام عليكم
=برده بتعلقنى..
=وعليكم السلام

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم

والله يا فراشه الحلقه النهارده كانت أكثر من رائعه

وفى إنتظار الحلقه القادمه

وربنا ان شاء الله يجعله فى ميزان حسناتك

----------a7med---------

A7MED NABIL كتب:: بسم الله الرحمن الرحيم

والله يا فراشه الحلقه النهارده كانت أكثر من رائعه

وفى إنتظار الحلقه القادمه

وربنا ان شاء الله يجعله فى ميزان حسناتك

----------a7med---------

ان شاء الله الحلقات دي ثابته

وحنزلها اول باول وما اسعدني عندما اعلم ان هناك من يستفيد بسببي

مرورك يسعدني فلا تحرمني من مرورك المميز

[ندعوك للتسجيل في المنتدى أو التعريف بنفسك لمعاينة هذه الصورة]

نفســـــى اتغيـــر
تعبت تعبت من التفكيــــر.. نفسـى القــى لحالـى بديــل
لوفكرت يــارب أعصيك ومشيت فى طريق الشـــر
أرجع واندم من جوايا ومش لاقى لنفسى مفـــر
ظلمــت نفسـى يارب كتير ونفســى اتغيـــــــر
شوفت ناس وقبلت ناس خلونى اتحيــــر
كل مره بقول تغيــر وأبعد خالــص عن طعــتك
وكأن الدنيــا ياصحبى معاك ورهـن أشرتك
ونسيت انهـا فانيه ولاتستاهل حتى ثانيه
وانت بعيد عن ربك
لورجليك فى يوم شيـــلاك
عمــر الدنيـا ماهتستنـــاك
بكره تكـــــون مكـان ماتكــــون
مترXمتر و حفـره X ضلمة
وكـــون غيـر الكـــون
من دلوقت يارب معــاك
بعهــدك هلوم نفســى الى بعدت عن رضـاك

السلام عليكم
الحلقه اليوم حلقه رائعه وده مش مجرد كلام وخلاص
وأحلي مافي الحلقات عامتا الاسلوب الحواري يمكن أحسن من القصه
وفي النهاية أحب اشكرك يافراشه علي هذا الموضوع وربنا يجعله في ميزان حسناتك وفي أنتظارالحلقه القادمة

السلام عليكم
الحلقه اليوم حلقه رائعه وده مش مجرد كلام وخلاص
وأحلي مافي الحلقات عامتا الاسلوب الحواري يمكن أحسن من القصه
وفي النهاية أحب اشكرك يافراشه علي هذا الموضوع وربنا يجعله في ميزان حسناتك وفي أنتظارالحلقه القادمة

هى الحلقه الاولى هتتعاد امته وعلى قناة ايه اصل انا مشوفتش الحلقه مباشر ...
يا جماعه انا رأيى ان اللى عايز يتغير مش بيحتاج حد يغيره هو اكيد بيتغير من نفسه.......

بصي ي فراشه كلمه شكرا ليكي قليله
انتي بجد انسانه رائعه في تفكيرك

وفي النهايه يجعله في ميزان حسناتك
وفي شغف لافكارك الجديده

طبعا انا لازم اقول كلمه حلوه في حق اختي الغاليه بس بجد

يا دودو الموضوع عجبني

ورغم انك مكنتيش راضيه تخليني اسجل في المنتدي

مش عارف ليه

بس مش مهم برده حبيت ارد علي موضوعك

واقولك حلووووووووووووووووووووووو

[ندعوك للتسجيل في المنتدى أو التعريف بنفسك لمعاينة هذه الصورة]

الحلقة الثالثه

(توب وربنا هيتوب عليك)

+عامل ايه دلوقتى مع ربنا؟

=اسكت ..اشتغلت شويه وكل شويه افتكر الذنوب اللى عملتهاواقول ازاى ربنا هيغفرها لى

+خلى بالك ده شيطان عاوز يخلى كل اللى عاملته تهده بايدك تانى +و ماتنساش الحوار اللى حصل بين الله عز وجل و الشيطان لعنه الله لما كان الشيطان خارج من الجنه بقول لربنا (وعزتك وجلالك لاغوينهم اجمعين وربنا بيرد عليه وبيقوله وعزتى وجلالى لاغفرن لهم ما دامو يستغفروننى) ايه رأيك !!

=يعنى ده شيطان عاوز يبعدنى عن ربنا

+وربنا بيقول لو استغفرته هيغفر لك

=ماشى ندخل فى حلقة النهارده +ماشى
3..
2..
1..
+السلام عليكم

=وعليكم السلام

+حلقتنا النهارده عن ازاى نتوب +فى البدايه .. نعرف ايه اللى بيحصل حولينا كل يوم ان الله ينزل الى السماء الدنيا كل يوم فى الثلث الاخير من الليل ويقول هل من مستغفر فأغفر له هل من تائب فأتوب عليه هل من داع فأستجيب له (انت فين بقى فى الوقت ده)
+وخلى بالك ان الله ينزل الى السماء الدنيا بالنهار ليتوب مسئ الليل وبالليل ليتوب مسئ النهار (والله مالكش حجه)

= ايه ده ... بقى الفرص دى موجوده قدامى وانا مش اخد بالى

+وخلى بالك ان ربنا من اسمائه التواب وليس التائب عارف ليه

=ليه ..؟

+لان لو ربنا اسمه التائب لو عملت معصية وتبت هيتوب عليك مرة واحده بس ولكن اسمه التواب يعنى مهما تتوب هيتوب عليك انه الله

=ونعم بالله

+وخلى بالك ربنا مش هنقص من ملكه شئ لو ماغفرلكش ومش محتاجلك فى حاجه ولكن..

=انا اللى محتاجه ..عارف =بس ماعرفش هو هيقبلنى ولا لا

+طب بص لو انت عاوز تتوب بجد وبصدق من قلبك هيتوب عليك وما تنساش ان الله كريم جدا واكبر من ذنوبك لذلك ادعى اللهم ان ذنوبى عظيمة ولكن عفوك مغفرتك اعظم فاغفر لى وتب على صدقنى لو انت عاوز تتوب بجد روح لربنا واترجاه وربنا بيستحى ان يردك وانت خائب فى دعائك وثق بالله ومالكش دعوه وبس ...

=ايه ده حلقة النهارده قصيرة جدا

+انا عارف لان ما يتضمنه حلقة النهارده كله قلته ومن الاخر صلى ركعتين توبة وادعى فيهم وثق فى الله وما لكش دعوة وسيب الباقى على الله

=طب وحلقة بكره هتبقى عن ايه؟

+ان شاء الله هتبقى ازاى تلحق نفسك من النار مش كده وبس

=امال ايه

+برده عن ازاى تحرم جسدك على النار وازاى تخلى النار تتدعى ربنا انه يبعدك عن النار

+السلام عليكم
=وعليكم السلام

وبكره ان شاء الله مع حلقه جديده
بس عايزين نتناقش فى الموضوع وانا معاكوا ان شاء الله
ونتغير بجد
هنتغير كلنا للاحسن والاحسن ان شاء الله

تابعوووووووووونا
[ندعوك للتسجيل في المنتدى أو التعريف بنفسك لمعاينة هذه الصورة]

جغرافى مميز **عدد المساهمات** : 168

رائع رائع رائع جدا يا فراشه
تسلم افكارك
استمرى وفى انتظار لباقى الحلقات
جعله الله فى ميزان حسناتك

الحلقة النهارده رائعة وفى انتظار الحلقة القادمة
جزاكى الله خير الجزاء

بسم الله الرحمن الرحيم

الله عليكى يا فراشه

فعلا بسم الله ما شاء الله عليكى

ويا رب يتقبل منا ومنكم

وأن شاء الله يكون فى ميزان حسنتنا

----------a7med----------

Ahmedabdelhaleem كتب:: السلام عليكم
الحلقه اليوم حلقه رائعه وده مش مجرد كلام وخلاص
وأحلي مافي الحلقات عامتا الاسلوب الحواري يمكن أحسن من القصه
وفي النهاية أحب اشكرك يافراشه علي هذا الموضوع وربنا يجعله في ميزان حسناتك وفي أنتظارالحلقه القادمة

ميرسي يا احمد علي الكلام الحلو ده واعتز بكلامك كأخ ليا في المنتدي

ويا رب يكون الموضوع عجبك

ويا رب تكون بتستفيد

احمد الشناوى كتب:: هى الحلقه الاولى هتتعاد امته وعلى قناة ايه اصل انا مشوفتش الحلقه مباشر ...
يا جماعه انا رأيى ان اللى عايز يتغير مش بيحتاج حد يغيره هو اكيد بيتغير من نفسه.......

مع ان كان نفسي الموضوع يعجبك اخي احد ولكن مرورك في موضوعي زاده رونق وزادني اصرار

ولو مغيرناش بعض ببعض

عمرنا محنتغير ودائما محتاجين للي يذكرنا بالله وبالكويس

احنا مش انبيه

والا ايه دور اللي اكبر منا في نصيحتنا

SmSma كتب:: بصي ي فراشه كلمه شكرا ليكي قليله
انتي بجد انسانه رائعه في تفكيرك

وفي النهايه يجعله في ميزان حسناتك
وفي شغف لافكارك الجديده

كم اسعدني ان اري منك هذا الكلام وكم زادني عشق لهذا الموضوع تلك الكلمات

استمراري نتيجه لتأيدكم وحبا

في اخواني علي المنتدي جمعني الله بكم في الجنه يوم القيامه

محمد مكرم كتب:: طبعا انا لازم اقول كلمه حلوه في حق اختي الغاليه بس بجد

يا دودو الموضوع عجبني

ورغم انك مكنتيش راضيه تخليني اسجل في المنتدي

مش عارف ليه

بس مش مهم برده حبيت ارد علي موضوعك

واقولك حلووووووووووووووووووووووو

محمد اخزيا الاصغر والوحيد اسعدني تواجدك في موضوعي

ورفضي لتسجيلك في المنتدي

حتي لا اشغلك عن الثانويه

ولكن سجلت ومسمعتش كلام اختك

مش مهم الاهم انك عجبك الموضوع

همس القمر كتب:: رائع رائع رائع جدا يا فراشه
تسلم افكارك
استمرى وفى انتظار لباقى الحلقات
جعله الله فى ميزان حسناتك

الاروع من كل هذا هو تواجدك معي همس القمر كم يسعدني رأيك وكم احبك تقبلي اعجابي بكي

وسعادتي لمرورك بموضوعي

Ahmedabdelhaleem كتب:: الحلقة النهارده رائعة وفى انتظار الحلقة القادمة
جزاكى الله خير الجزاء

دائما مرورك يسعدني
ويا رب تكون استفدت وجزاك الله خير علي المرور

A7MED NABIL كتب:: بسم الله الرحمن الرحيم

الله عليكى يا فراشه

فعلا بسم الله ما شاء الله عليكى

ويا رب يتقبل منا ومنكم

وأن شاء الله يكون فى ميزان حسنتنا

----------a7med----------

اللهم امين يا احمد

ويا رب يجمعنا كلنا في اعلي الجنان معا

طبعا مرورك بيسعدني

ورأيك من الاراء المهمه عندي

لك كل التحيه والاحترام والتقدير

وفي النهايه اقسم لكم اني يزيد اعجابي بكم

وحبا في المنتدي

بتواجدكم ودعمكم لي

وكم يسعدني مرورك وكم اود ان اظل ابدا

اكمل هذا الموضوع

الحلقة الرابعة

(اخرج نفسك من النار)

+عامل ايه؟
=تمام ..
بصراحة انا بدأت اتغير بجد
مش عارف عندى احساس بأنى
لسه داخل الاسلام
+ابشر اوعدك بالتغير
وان شاء الله
نحقق شعارنا
وندخل الجنه سوا
=ربنا يسهل
+وخلى بالك
(ان الله لا يغيرما بقوم حتى يغيروا ما بأنفسهم)
يعنى مش انت اللى هتغير نفسك
انت هتغير ما بنفسك
والفرق كبيير
يعنى علشان تشوف حال قومنا
(امتنا )
احسن الاول تغير نفسك من جوه
=كلامك صح
=طب ممكن نبدأ

+السلام عليكم
=وعليكم السلام
+حلقتنا النهارده هدفها
نوريك ازاى ممكن تعتق نفسك من النار
بكل سهوله
=سهولة ايه !!
=مش وسعت منك شويه
+ليه؟؟
=انت بتتكلم ازاى تطلع نفسك
من النار
مش من حديقة الحيوان
ولامن متاهة
دى النار
+طب ممكن اتكلم و
تسمع للاخر
=اتفضل
+هقولك كذا طريقة وكل
طريقة تقولى ايه رأيك فيها
=ماشى اتفضل
(الطريقة الاولى)
+صلاة اربعين يوم فى جماعة
بشرط تكون تكبيرة الاحرام
بتتقال وانت فى الصف
=بس دى صعبه شويه
لان انا بصراحة
كل فين وفين لما بصلى
الفجر فى البيت اساسا
+ما تخفش فى اكتر من حلقة
هتتعمل عن الصلوات والفجر بالذات
(الطريقة التانيه )
+لو سيادتك حافظ القران بالكامل
او بتحفظه او ناوى
بصدق تحفظه بالكامل
ابشر انت معتوق من النار
=بقولك انا بدأت اقرب من ربنا
وانت عارف انا كان حالى مع ربنا ازاى
+برده حنعمل حلقه عن القران
هتبقى جامده جدا
(الطريقة التالته) 3..2..1
+لو قعدت تحاسب نفسك
وفاضت عينك من خشية الله
بس لسه برضه قلبى ما بقاش
طرى اوى علشان اطلع كل اللى فى قلبى
لربنا
+ربنا عارف كل شئ عنك من غير ما تقوله
ولكن امتى هتعترف بذنوب
(الطريقة الرابعة)
+تصلى قبل وبعد صلاة الظهر
4ركعات
=تصدق دى اسهلهم لحد لما
ربنا يسهلها
+و يا ريت تبدا بالتدريج
وان شاء الله تلحق نفسك من النار
وخلى بالك الحلق الجايه من اهم الحلقات
=طب عن ايه؟؟
+هتعرف بكرة..
+يلا
+السلام عليكم
=وعليكم السلام
...............
الى اللقاء فى
الحلقة الخامسة

تابعوووووووووونا

[ندعوك للتسجيل في المنتدى أو التعريف بنفسك لمعاينة هذه الصورة]