شباب زي الورد بس كلام يحرق القلب !!!!!‏

طبعا انتوا مش عارفين ايه الموضوع
الموضوع اني حبيت احطكم في الواقع
والشباب بتوع اليومين دول
اللي هو ايه بقى فافي بالمعنى البلدي اوووي
وهاي بالمعنى الأفرنجي اخر حاجة
خلينا نطلع كل حاجة احنا كاتمنها في نفسنا
احنا شباب ضايع راحت مننا حاجات كتير وضيعنا حاجات كتير
وياما عملنا حاجات وبلاوي كتييييييير وكنا فاكرينها هي الصح بس لما حصلنا كل ده اتغيرنا تماما

أحمد علي
شاب عمره22 سنة اعتاد على ان يقعد على الكافيهات مع صحابه سواء الشباب اوالبنات وكان الأخ ايه خاربها بالمعنى البلدي والأفرنجي بمعنى اصح مقضيهاوشاب فافي اخر حاجة وهو من عائلة غنية جدا المهم ..كانوا رايحيين يقضوا اليله حمرا في شقة من شقق صحابوا دول وكانوا بيعملوا ريسينج (سباق يعني وكلواحد معاه البنت بتاعته) المهم كل حاجة تمام لحد دلوقتي ورح جيه اخينا دهواتحدى واحد وايه وطالع طالقة وكده بالعربية بتاعته مش مهم تعرفوا نوع العربية لأنها كده كده خساره فيه المهم العربية وهما بيتسابقوا الأتنين الكاوتشات بتاعت العربية القدامانية (اللي بيتحكم بيها بالدريكسيون )انفجروا في العربيتتين
يعني تخيلوا شوفوا حكمة ربنا والأتنين راحوامقلوبين بالعربية والبنتين بتوعهم معاهم البنتين واحدة ماتت والتانية عاشت بس حالتها مقولكومش
الأخ احمد بقى ربنا اداله عمر تاني اما الأخ التاني في حاله حرجة وفي غيبوبة ولحد دلوقتي مفقش!!!!!!!!
المهم بعد اللي حصل ده لقيتلك عمنا احمد بقى ملتزم وبقى بيصلي ويقرأ قرأن مش لازم يعني يبان عليه اوووي بس شوفتوا الحالة دي ربنا ليه حكمة في كده
سبحان الله
كلمناه قالنا انه محسش انه كان بيعمل ايه قبل ماالحادثة تحصله بس لما الحادثةحصلتله شاف الموت بأم عينه وبقيت انسان ملتزم الحمدلله ومشيت على الصراط المستقيم قبل ماعرف اني ضيعت سنتين من عمري مقضيهم في حرام ربنا
ده نموذج من الشباب بتوع اليومين دول
نموذج تاني

الشاب تامر علي
شاب عنده 20 سنة من المعادي هو جانبي هنا المهم
من عيله متوسطة كان قاعد مع كم واحد من تجار المخدرات وانا شوفته وناديت عليه قلتله ايه يا تامر انت بتعمل ايه مع البني ادمين دول
قبل ما اقول اللي قاله الواد ده كان محترم اخر حاجة وبعدين انحرف
قالي انا بسموكينج يا معلم يعني بالمعنى البلدي "بحشش " روحت ضاربه بالقلم وقلتله انت كده هتموت نفسك يا حيوان وهتضيع مستقبلك
قالي مستقبل ايه بس هو اللي يعيش في البلد دي يبقى ليه مستقبل وبعدين انت ليه بتضربني انت مليكش حق عليا روحت ماسكة ووديته البيت عندي وحطيته تحت الدش بهدومه بملابسة كده من الباب على الحمام وانا عمال ازعج فيه وبقوله فووووق بقى فوووق انت مش شايف ابوك شقيان قد ايه وامك تعبانه قد ايه وفي الأأخرتطلع لهم كده انت مش مقدر النعمة اللي انت فيها ولا ايه
بص يا تامر انته تختار حاجتين لتبطل حشيش وترجع تصاحبني تاني والا يبقى متعرفنيش والباب يفوت جمل لقيته بيبوصلي كده وراح معيط قلتله بتعيط على ايه ؟ قالي اناغلطان اني عملت كده وانا اسف مش هعمل كده تاني وكانت غلطة مش هتتكرر قلتله مش مهم الكلام المهم الفعل قالي اوعدك اني مش هعمل كده تاني وفعلا الواداستقام وبقى بيصلي وبيعرف ربنا

الشباب محبط اخر حاجة والحشيش على عينك زي الريش

اخر شاب بقى

الشاب محمد امام
شاب عمره 23 سنة بيشتغل في فودافون من عيلة كويسة يعني
شاب بيحاول يثبت نفسه بس مشكلته في كلامه
تخيلوافاكر ان ابوه من سنه ويقولي ايوة ياعم ماشية معاك حلاوة والكلام ده يعنيفي مره انا كنت وهو وابوه معزومين في مكان عامم لقيتلك الأخ بيقول لأبوه ايه "ايه رأيك في البنت دي عاجباني" راح ابوه قايله "روح يا واد كلمهاوماتكلمنيش انا " المهم ابوه عداله دي جت واحدة تانية "يا عم الحاج ايه رأيك بقى في دي هعمل شغل اخر حاجة وحلاوة بقى وكده" ابوه وانا فهمنا قصده وش يعني راح ابوه ضربه بالقلم واحنا في الكافيه بقى والكلام ده احرج الوادقدام الناس وكل الي قاعدين الولد قام وهاج على ابوه انت ازاي تمد ايدك عليا في الشارع قلتله محمد عيب كده مينفعش تمد ايداك على ابوك قالي ابعدانت التاني مش ناقصك ومتدخلش ولقيتلكم كشاف نزل على وشي انما ايه صح روحت ماسك اخينا ده وروحت مطلعه بره الكافيه انا مشيت ابوه وكده ودفع الشيك المهم سيب محمد ده وهديته وكده وكلمته بالهداوه ويا محمد مينفعش كده والكلام ده وده ابوك برضه يعني ومن حقه يمد ايده عليك وبعدين انت اللي غلطان من الأول يعني هو واحد مش ممن سنك تقوله كده ليه يعني
المهم الواد راح اعتذر لأبوه وكده وبقوا الأتنين عايشين حلاوة روح مع بعضيهم وياجبل مايهزك ريح

الشباب محتاج اللي ياخد بإيدهم ويوجههم صح

انا حبيت اوصلكم الموضوع ده عشان خاطر تعرفوا قد ايه الشباب بقى في الضياع الأيام دي
طبعا في حالات اكتر من كده وبلاوي كتييييير بس ده اهمها يعني
للنقاش

يا ترى صادفك موقف زي ده قبل كده ؟
لو صادفك ياريت تحكهولنا عشان نتناقش فيه ؟
نظرتك ايه للشباب دول ؟
تفتكر ان فيه امل ان الشباب يرجعوا زي الأول تاني ؟
لو شايف اي اقتراح عايز تقوله...قوله ؟

بسم الله الرحمن الرحيم

بجد موضوع فى غايه الاهميه

فعلا فى شباب كتير محتاجين حد واحد بس يوجههم وهما هيستجيبوا بس فى شباب كتير مش لاقين الشخص اللى يوجههم

جزاكى الله خيرا يا قمر الزمان على الموضوع المهم

----------a7med----------

الموضوع ده في غاية الخطوره
واكيد كل واحد لازم يكون في حد بوجه
ولكل شخص ليه هفوات كده بتحصل معاه بس مفيش حد هيحكيها لانها عدت خلاص
شكرآ علي الموضوع الرائع ده

» احـــــــــــــلــــــــــــــــــــــــــــــــى الكلام كلام من القلب الى القلب
» كلام في حق شعب مصر
» الامتحانات قربت و كل سنة و انتم طيبين يا شباب ..