كلمات تمس القلب

[ندعوك للتسجيل في المنتدى أو التعريف بنفسك لمعاينة هذه الصورة]

وسط أوراقى القديمة

اللى لسه منها باقى

شوفت صورتى بين زمايلى

و أحنا لسه فى إبتدائي..

...الوشوش كانت بسيطة

...طاهرة لكن مش عبيطة

نرسم الأحلام خريطة

فى قلبها نقطة تلاقي..

هو صاحبى

لما كان فى الدنيا صاحب..

أما دول كانوا من جيرانى

كل واحد فينا حقق

جزء من بعض الأمانى..

أما دى الشاطرة البليدة

العنيدة أم الضفاير

تبقى حبى الأولان..

قد إيه حزنت عليها

لما راحت فصل تانى..

ما أحنا كنا تخته واحده

فى تانيه تالت

مره قلت

و هى قالت..

لما مدت أيدها شالت

دمعة وقعت غصب عنى

جوه كراسة الحساب..

كنا لسه صفحه بيضه فى الكتاب..

الوشوش كانت بسيطه

طاهرة لكن مش عبيطه

نرسم الأحلام خريطة

فى قلبها نقطة تلاقى

وأحنا لسه فى أبتدائي

كلمات تمس القلب Smile

---------a7med----------

جميل جدا
تحمل كثيرا من المعاني الصادقة والحقيقية
وكذلك الاهتمام بالوزن الرنان
والقافية البسيطة
شكرا
تسلم عليها حقا يا احمد

» احـــــــــــــلــــــــــــــــــــــــــــــــى الكلام كلام من القلب الى القلب
» بكى القلب بلا دموع ...
» نيران القلب