مكالمتي للريس

موضوع: مكالمتي للريس السبت 12 فبراير 2011, 7:46 pm

مكالمتي مع الريس وبأختصار... عشان وقت الريس :-
كاتب السطور : الو الو سيادة الرئيس।
الطرف الاخر : استني شوية الريس هيكون معاك بعد ثواني انتظر
كاتب السطور : معاك طبعا هانتظر ده انا استنيت المكالمه ده من 25 سنه ।
الطرف الاخر : الو ايوه
كاتب السطور : الريس والله ... السلام عليكم ورحمة الله
الطرف الاخر : ايوه يابني الريس اتفضل معاك
كاتب السطور : انا مش مصدق معقول وحقيقي انا في حلم الريس يعني أأهههه ( اتلخبطت )
الطرف الاخر : اتفضل يابني معاك।
كاتب السطور : المهم يا ريس انا بحبك ونفسي اشوفك بس عارف ان وقتك مشغول ।
الريس : الوقت مش ملك حد اتفضل خش في الموضوع انت كنت عايزني في ايه يابني
كاتب االسطور : انا وعيت علي الدنيا لقيتك انت الريس وابويا قال لي انك بطل حرب اكتوبر ثلاثه وسبعين وكنت صاحب الضربة الجوية
....... وعرفت عنك انك بطل ومازلت بطل في عيون الكثييرين ، ولكن السن
والمشغوليه ومشاكل البلد والعالم العربي ......، خلت حضرتك تنشغل عن بلدنا
مصر المحروسه
الريس : يابني خش في الموضوع انت عايز تشتغل ولا عايز شقه ولا عايز ايه انا الكلام ده اتقال لي ملايين المرات ।
كاتب السطور : لو سمحت سيادتك اديني الوقت
الريس : طيب انا عندي اجتماع بعد خمسة عشر دقيقه ।
كاتب السطور : طيب ولو اني عايز اكلمك من خمسة وعشريين سنة اديني سيادتك ال خمسة عشر دقيقه بدون ما تقاطعني ممكن ।
الريس : اتفضل يابني ।
كاتب السطور : البلد ياريس حالها متبهدل
والناس مش عارفه تعمل ايه ، الشباب عايزيين يتفطشوا بره البلد وبيغرقوا في
البحر المتوسط امام سواحل اوربا ॥ انا عايز اتكلم عن حال من حولي بس مش
قادر الا انا اقول لسيادتك عن الانتخابات القادمة وبعد وعودك الاخيره منذ
يومين والتي قلت فيها ان السنوات القادمة للفقراء والمهمشيين احب ان اقول
لك وبدون كسوف ان في كل إنتخابات يسمع الشعب المصرى هذه الوعود الجميلة من
إهتمام بالفقراء و إنتخابات حرة نزيهة و نحن نعلم أنك تقولها بنية صادقة و
لكن الواقع يا ريس يقول أن هناك في سدة الحكم من يبدد هذه الوعود و فعلوا
ذلك علي مدار تلاتين سنة حتي فقد الشعب مجرد الحلم في إصلاح الأحوال فكيف
يتحقق الحلم و تنفذ الوعود الرئاسية مع سيطرة ذلك اللوبي الفاسد الذي جعل
مصلحته فوق مصلحة مصر و هذا اللوبي قد استقوى بدرجة لا يتخيلها عقل بفعل
إستمرارهم في مواقعهم لعشرات السنين فاستفحلوا و استفحل الفساد معهم و فقدت
مصر ريادتها حتي علي مستوى العربي و لذلك فالشعب المصرى الصابر يأمل منكم
أن تغيروا منظومة الحكم في مصر بتعديل الدستور ليسمح بتداول السلطة و إجراء
إنتخابات نزيهة و عودة الحريات بعيدا عن قانون الطوارئ البغيض فمصر ليست
أقل من البرازيل التي انطلقت للأمام بقوة بفضل سياسات رئيسها المنتهية
ولايته الثانية لولا دى سيلفا و الذي جعل بلاده قوة إقتصادية هائلة بعد أن
كانت عاجزة عن سداد ديونها و كل ذلك بفضل الحريات ثم الحريات ثم الحريات।
الطرف التاني : مفيش اي حد علي الطرف التاني ।
كاتب السطور : الو...... الو ياريس .....ياريس ارجوك رد رد علي ।
وكانت مكالمه اثلجت صدري بس لا اعلم هل وصلت الي الريس ، طبعا المكالمه
ده لم ولن تحدث لان الناس لا تصل الي الريس ، فهل استطيع انا العبد الفقير
الي الله ان اتكلم مع الريس او اقابله واعرف منه خططه وحلول ....لحل مشاكل
شباب اليوم ومستقبلهم ।
كنت اتذكر قول احدي الناس انك لو اردت مقابلة المولي سبحانه وتعالي ستقابله وبمنتهي اليسر وبدون حرس ولا ملائكه ولا ولا فقط
تفتح صنبور الماء وتتوضأ وتصلي له ..... ستجده معك اينما كنت । تناجيه تدعوه تتقرب اليه ।

يارب انصر بلادنا وبلاد المسلمين وكل عام والمسلمين بخير

موضوع اكثر من رائع الصراحه تسلم عليه
يا تيتو

جامد يا سويدان

موضوع جميل بجد

روحلو الشارقة وكلمه

واوعدك المرة دي هيسمعك

تسلم يا سويدان علي الموضوع ا

موضوع هادف فعلا

لا بجد الموضوع فعلا تحفه جميل جدا
تسلم ايدك سويدان

مشرف **عدد المساهمات** : 2272

[ندعوك للتسجيل في المنتدى أو التعريف بنفسك لمعاينة هذه الصورة]

ع

زيزي
المواطن..عزيزتي المواطنه...الفساد في سجله التاريخي وفي سيرته الذاتيه –
السي في بتاعه - ..عمره ما تمثل في شخص..ولكن يتمثل في اخلاق

اذا سمحت او فعلت فساد ما...فلا تغضب حينما يمارس عليك الفساد..فهي دائره مغلقه

لذالك ..ان كنت تظن ان الفساد الذي حل بمصر..هو سببه السيد الرئيس حسني مبارك..فالرئيس لم يتنحى بعد...

اسعدني مروركم العطر يا شباااااااااااااااااااااب