يوميات طالب ف كليه صيدله

من البداية كده القضيدة دي بتنتمي لنوع من انواع الشعر الذي يعرف بالشعر الحلمنتيشي

يا رب تعجبكم

طول عمري بحب التعليم............. أصل أنا واد في العلم قديم
كان مجموعي في الثانويه.............. حاجه بتاع سبعه و تسعين في الميه
قلت يا صيدلة أما بلاش.............. شغلانه غيرها ما تنفعناش
أول سنه كان كلي حماس............. قافل علي نفسي الترباس
أحضر سكشن أسلم شيت............ كنت بنام زي الكتاكيت
أول ترم عدي عليا.................. أتمنيت أرجع ثانويه
أخد نجمه وأغني بلادي............... أخد فسحه وألعب عادي
بس يا عيني مش وقت رجوع.......... أنا عيني خلاص عالمجموع

أول سنه عديتها نضيف ..............والمجموع كان برضه ظريف
جبت يا دوب سبعين في الميه........... راحت فين أيام ثانويه؟
ومن يوميها أنا أتجنيت................ ولا عمري في حاجه عديت
بكتب أسمي و أطلع تاني.............. تعمل أيه لو كنت مكاني؟
حبه بحبه بقيت بلاص................ بس يا ناس مرفوع الراس
أخد الصفر وأحاول تاني.............. أنا يائس كده ليه وبعاني
نفسي أجيب لو يوم مقبول............ حد يقولي مين مسئول؟
أن أحنا في ساقيه بنتعلم ...............ولا راضي حد يتكلم
خلينا مشيين جنب الحيط............. عاشقين أوي فن التخبيط
حاول تفهم مني كلامي............... ولو ما فهمتش حعيد من تان

مشرف **عدد المساهمات** : 517

اظن هو اللى مكملش بجديه شويه
بس شاطر اوى هو فى حكايه الشعر الحلمنتيشى دى

جميله تسلم يا سويدان

بسم الله الرحمن الرحيم

لا حلوه دى بجد ي عموووووووو

والكلام الصراحه ماشى زى الفل

وحلوه حكايه الحلمنتيشى ديت

---------a7med----------

هههههههههههههههههههههههههه

دي انت اللي كاتبها يا سويدان
انا بحب النوع ده من الشعر جدا بس للأسف مبعرفش اكتب بالطريقه دي

تسلم بجد جامده

جميل يا سويدان

» يوميات زوج سعيد جدا
» يوميات موكوس ابن ملحوس
» طالب ودكتور