عشرة نصائح لاستقبال نتيجة الامتحانات

[size=16]السلام عليكم ورحمة الله وبركاته

النتيجة قربت وكل واحد فيكم حاتط ايدة على قلبة وعلشان كدة ومن

واقع خبرتى قررت انى اديكم شوية نصائح عن كيفية استقبال

نتيجة الامتحان والله الموفق .

اولا : ياريس لازم تحبكها فى البيت قبل النتيجة بمعنى

اية انك لازم تفرهض فى السرير بتاع اربع خمس ايام كدة

ويجيلك كل الامراض اللى ما تخترش على بال بنى ادم

علشان اللى فى البيت قلبهم يحن يامعلم

وياجلو المواجهة لو النتيجة جت لاقدر الله زى ما انت متوقع

وشلتلك بتاع اربع مواد كدة .

ثانيا : تبتدى تمرن نفسك على كيفية البكاء المستمر وتتعلم ازاى

تتشحتف علشان تصعب على كل اللى يقبلك .

ثالثا : تدرب على بعض الفنون القتالية زى المصارعة او الكارتية

مثلا ودة ضارورى لية بقى يانجم هقولك انا علشان هيبقى فى

ام لا اله الا الله واقفة على النتيجة فلازم انت تكون مستعد لكدة علشان

توصل فى اسرع وقت ممكن علشان انت عارف بيبقى فى هواة

تقطيع الورق دول عرفهم طبعا الواحدة من دول تعرف انها شايلة

السنة تروح مقطعة الورقة وحلينى انت بقى يا معلم عقبال

ماتعرف النتيجة بتاعتك .

رابعا : لازم يا نجم تروح تجيب نتيجتك بنفسك علشان ماتبقاش

واقف هيغمى عليك وانت مستنى صحبك يجبهالك وتلاقية بعد

دة كله خارج يقولك انت شيلت 3 مواد لية دة ظلم (اليعنى الواد
حل اوى) .

خامسا : انك تتحلى بكل انواع البرود علشان انت هتقابل اليوم

دة اللى عمرك ما شوفته يعنى انت خارج كدة وشايل اربع مواد

وتلاقى ام احمد الفراشة بتقولك الحلاوة يابية فا انت لو مكنتش

هادى هتعمل حاجة من الاتنين ياتموتها لا تموت نفسك فلازم

تبقى هادى وتستحمل علشان اللى جاى اصعب .

سادسا : لازم تؤمن وتصدق ان النتيجة دى بتاعتك ومفيش

غلطات مطبيعة (احنا هنمثل ما انت عارف انك شايل شايل)

سابعا : تاخد بعضك يا معلم وعلى اقرب مطعم وتاكل اكبر كمية

من الاكل علشان انت الفترة اللى جاية هتكن فى اوضتك

ومافيش اكل (ولا انت معندكش دم وهتقعد تاكل مع باباك
وممتك على اساس انك احمد زويل) ؟

ثامنا : نيجى لاصعب لحظة الا وهيا نقل الخبر للأعداء (باباك

ومامتك) وهنا هنرجع للبند رقم اتنين بتاع الافلام الماسوية

والبكاء المستمر .

تاسعا : اول ما تشوف باباك اول كلمه تقولها حرااااااااااااااااااام

دة ظلللللللللللم ويغمى عليك يا معلم وماشوفش وشك فايق

غير بعد 14 يوم اتفقنا .

عاشرا : رقم بوليس النجدة 122 اوعى تنسى ( دة فى حالة لو

الناس عندك فى البيت ما بيخلش عليهم الحاجات دى )

وبالتوفيق ان شاء الله وتمنياتى لكم بالنجاح والتوفيق .

ومش هتعملوا كل الكلام الفاضى ده ان شاء الله
[/size]

يا سلام نصائح من ذهب يا كارنو بس ليه مغمقها كده عندك انا النسنة اللى فاتت لما عرفت النتيجة والصاعقة عادى روحت طالع ع البحر لاعب كورة ومقضى النهار ايزى وراجع ولا كان حاجة حصلت وطبعا هما فكرونى مرديتش اروح عشان حزين قال الواد قعد يقطع نفسه بكاء برا البيت ومكسوف يرجع النهارده

نظريه بردو

على كل ربنا يستر

والله الواحد اعصابه خلاص باظت وانام واقوم احلم بيها

ربنا يصبرنا الكام يوم دول

يا جماعه ماتخفوش

ان شاء الله ربنا هيسترها
واتوكلوا على الله
واللى هتخاف منه مش هيجى احسن منه

[ندعوك للتسجيل في المنتدى أو التعريف بنفسك لمعاينة هذه الصورة]
edit :::::::::::::::::::::
A7MED NABIL

مشرف **عدد المساهمات** : 517

ياكااااااااااااااارتو ياابو الافكار
ربنا هسيترها معانا ان شاء الله
ومش هنحتاج اننا نمثل
وربنا يكرمنا جميعا يارب

ناجح وموفق باذن الله

قول يارب [ندعوك للتسجيل في المنتدى أو التعريف بنفسك لمعاينة هذه الصورة]

طيب ما ننتحر ونخلص نفسنا
هى النتيجة هتيجى من بره
كدا كدا هتتعرف
وكدا كدا هى دى نتيجتى
ودا اللى انا جبته لنفسى

» عشرة تمنع عشرة
» أدعية الامتحانات..
» عشرة أشياء لن يسألك الله عنها