اللهم أهلك السيس بالمايصين و اخرجنا منهم سالمين

* اللهم أرحمنا من الاشكال الضاله اللى ملت الشوارع و النوادى و الجامعات و التليفزيون و ناقص تنزلك من الحنفيه

* اللهم أرحمنا من مناظر الشباب الشرز اللى لابس فننه بنفسجى مفتوحه لستره فى عز الشتا على منطلون بمبى ولابس نظارة كبير(دبانه)و دقنه مش محلوقه و مفيش فى راسه 3 شعرات جنب بعض رايحين فى أتجاه واحد

* اللهم أرحمنا من البنات اللى عندهم أزمة قماش و الحجاب عندهم هو عباره عن مجموعة من القصاقيص من كل لون وكلهم فوق بعض تحسسك أن فى منطاد فوق كتافها

* اللهم توب علينا من الموبايل الصينى اللى بيصدع دماغك بكل الخبط و الأغانى الهابطه مشغله شاب تتكسف تقول عليه بنى أدم إحتراما لسيدنا أدم

* يارب أملانا من جوا إيمان بيك و بنفسنا أننا ممكن نبقى حاجه ما تخليناش زى (الفازه) من بره شكلها حلو قوى و من جوه الهوا بيصفر فيها

*اللهم ألف قلوب شباب معتدل بيحبك شايف أن الدنيا فيها مكان تالت غير (السيس و المايصات) و(الجماعات) و كل هدفه يحقق لنفسه هدف صح يخليه يعيش أنسان صح فى يلد صح

* اللهم أهلك السيس بالمايصات و أخرجنا منهم سالمين

تحياتى لكل راجل صح و بنت صح